(( الفتاه الهاربه )) قصه كويتيه من قلم الكاتبه ReRez

بسم الله الرحمن الرحيم

طبعا مثل ما قريتو بالعنوان انها كويتيه و ترى واقعيه
و انها منقووله للفائده :p

نبدي

***البارت الأول***

الوقت ليل حوالي الساعة وحده ونص .. شاب اسمه علي عمره 27 يسوق اكس فايف اسود دايس ويدور سي دي راشد 2009 بين السيديات اللي عنده..
علي : ( يتحلطم ) وين راح السي دي منو ماخذه اكيد صلوح الكلب بايقة جنه مايدري ..
رفع راسه عالطريج وفجأه شاف بنت جدامه تركض بتعبر الشارع .. داس بريك بكل قوته وقف قبل لا يحوشها بأقل من سانتي واحد ..
طالعته البنت منصدمه واهو نفس الشي منصدم وماتحرك من مكانه الا يوم شافها اغمى عليها..
نزل من السياره معصب وخايف وقعد يسبها : الحيوانه مادري من وين اطلعت بهالليل ماكو ابو يمسكها ناقص بلاوي البنات آنا..

قعد يطالعها طايحه عالشارع جدام سيارته بنت حلوه بيضه تقريبا عمرها اول العشرينات شعرها لي نهاية ارقبتها ولابسه جينز وبلوزه سوده ..
تلفت يمين يسار ماكو اي احد بالشارع .. قعد يدور اذا مجروحة أو متعوره مالقى اي اثر لدم او رضوض ..
شالها وحطها وره وركب سيارته ومشى ..

قعد يقول بقلبه .. ياربي اشهالبلوة خل اوديها حق اقرب مستشفى اقطها وامشي والله انا شكو فيها اقعد ابتلش .. ومالقت اتطيح غشيانه الا جدام سيارتي ..
فجأه سمع صوت البنت : أحمد .. أحمد ليش ؟؟ أحمد ..
طالعها بمنظرة السياره لقاها للحين مغمى عليها بس شكلها تحلم ..
ولا اتقوم : انا وين؟؟ انت منو؟؟ وشتبي فيني؟؟ وين موديني؟؟
علي ( بقلبه ) : هذي اللي برفسها بالشارع الحين ..
علي : يبه انتي طالعتلي بهالليل اتقول خفاش وراكضه بالشارع وماحلالج اتطيحين الا جدام سيارتي ..
البنت انزلت ادموعها وماتكلمت ..
علي : في شي يعورج؟؟ اوديج المستشفى؟؟
البنت : هزت راسها (لا) واقعدت تبجي ..
علي: اشفيج خايفه مني؟؟ تره ما آكل انا .. وين بيتكم عشان اوصلج..
البنت : لا مابي اروح البيت خلاص نزلني اهني ..
علي : وين اهني؟؟ تره احنى الحين بالدايري السادس يعني اسفط وانزلج اهني وين بالله؟؟ عطيني مكان محدد وانا اوديج ..
البنت : زادت بجي .. مادري مادري ماعندي مكان (تبجي)
علي : هاج اكلينكس وبسج بجي وكلميني .. فكري شوي وقوليلي وين تبين تروحين اكيد في مكان معين .. انتي كنتي تركضين وين بتروحين مثلا؟؟ عندج سياره اوصلج لها؟؟
البنت : ساكته ماترد بس تبجي
علي : ياصبر ايوب .. اشلون يعني اسفط يمين وانطرج تكملين بجي وتفكرين تردين علي؟؟
البنت : تبجي وتعلي صوتها عليه .. خلاص لاتزف ماعندي مكان اروحله وماعندي سياره ..
علي : يبه انا مو قاعد ازفج بس ابي اعرف وين اوديج مايصير نفتر بالسياره بدون هدف ..
البنت : خلاص والله نزلني ماعندي مكان معين ..
علي : عيل امشي انروح كوفي بين او ستار بكس تشربين قهوه تريحين اعصابج ونفكر مع بعض وين تروحين.. احسن من ان يوقفلج ولد مو متربي ويأذيج .. اوكي جذي؟؟
البنت : ( تمسح دموعها ) اوكي..
علي : ( يبتسم ) تسمعين حق راشد؟؟
البنت : اي عادي ..
علي : شنو عادي .. تسمعين له او لأ؟؟
البنت : اي اسمع
علي : شنو تحبين تسمعيله اي اغنية
البنت : مادي والله
علي : اووو تره حدي ماحب كلمة مادري مافي شي بالدنيا اسمه مادري عطيني اسم اغنية تسمعينها حق راشد يللا فكري ..
البنت : ( فيها بجية بس ماسكتها غصب ) اغنية اللي لقى احبابه
علي : حتى انا احبها .. تبين تسمعينها؟
البنت : لا
علي : لو عندي جان حطيتها اعناد بس حسافه السي دي عند الحيوان صلاح
البنت : ساكته و اتطالع الشارع .
اوصلوا كوفي بين سفط السياره ونزل .. اهي بطلت باب السياره بس مانزلت
علي راح لي بابها وقعد (القرفصاء) اللي مايعرفها يعني قعد جنه عزكم الله بحمام عربي ههههه طاع التشبيه ..
المهم نرجع للقصه .. قعد يم بابها وطالعها (أول مره يشوفها عدل) حس ان ويهها في براءة وحلوه وايد .. عيونها كبار ورمشوها وخدودها مبللة من الدموع .. خشمها احمر من البجي .. وحلجها صغير وطامر (مرسوم)
علي : يللا نزلي ماكو شي يستاهل كل مشكلة ولها حل ..
البنت : (ساكته) وانزلت ..

طبعا بحط بارتين على شان تندمجون (( الفتاه الهاربه )) قصه كويتيه من قلم الكاتبه ReRez Icon_redface

**البارت الثاني**

البنت : (ساكته) وانزلت ..
دشو المحل اقعدت تتلفت اتشوف اذا فيه احد بس ماكان فيه الا ريالين اجانب .. علي سحب لها الكرسي عشان تقعد
علي : بطلبلج على ذوقي موافقه؟
البنت : اوكي
راح يطلب ورجع يايب لها كراميل كوفي ..
علي : يبتلج بارد عشان يبرد على قلبج ..
البنت : مشكور
علي قعد جدامها وحاول يلطف الجو
علي : للحين ماخلصتيه؟؟ يللا شربي لا اشربه عنج
البنت : ابتسمت واشربت شوي
علي : اي عفية عالشاطرة خلصيه كله.. زين ممكن نتعرف عالاسم؟
البنت : منار
علي : حيا الله منوووره معاج الحجي علي
منار : عيونها غورقت فجأة واقعدت اتطالع علي وانزلت ادموعها واهي ساكته
علي : اشفيج؟؟ ليش تبجين
منار : لاتناديني جذي
علي : قصدج منوره؟؟
منار : ( تمسح دموعها ) اي
علي : زين اناديج منور عادي؟؟
منار : كيفك
علي : زين قوليلي قصتج يمكن اقدر اساعدج
منار : ( هم تمسح دموعها ) ماقدر اقول
علي : زين عندج احد اوديج عنده دامج ماتبين تروحين البيت؟
منار : تهز راسها (لأ)
علي : زين شربي بردي على قلبج شوي .. زين وحده من رفيجاتج مني مناك شوفي
منار : ماعرف احد وحتى لو اعرف شقول حق اهلهم وانا رايحه لهم قريب الفير
علي : زين حاولي تمسكين دموعج و خل افيدج .. انتي ماعندج مكان تنامين فيه .. ولا تبين تقولين لي قصتج عشان اساعدج .. زين سمعي عندي حل مؤقت بس لاتقلبينها عزا وتبجين بس سمعي وقلبيها بمخج على راحتج
منار : ساكته اتطالع كوب الكوفي وماسكه دموعها غصب
علي : انا عندي شقه
منار : ارفعت راسها منصدمه تطالع علي ودموعها انزلت
علي : لا حول ولا قوة الا بالله .. هذا وانا قلت سمعيني لين اخلص ولا تقلبينها عزا .. يابنت الناس انا لو ابي منج شي مو زين جان ما يبتج اهني وقعدت 3 ساعات احاول القى معاج مكان اوديج له ..
منار : ( تبجي ) , مابي اروح مكان خلاص خلني اهني وروح
علي : ( بنبرة عصبية ) خلاص عاد لاتصيرين ياهل وبس تبجبجين على راسي .. سمعيني لين اخلص وبلا دلع عاد

بس خلصت 0_O
وين الباجي عاد اندمجت بالقصة وما احب اقرى مقطع
المهم مشكورة حبيبتي على الموضوع

العفو
خلاص بنزل غيرهم على شان تنجمجين مره وحده
هااا بعد شنو تبين

** البارت الثالث **

علي : ( بنبرة عصبية ) خلاص عاد لاتصيرين ياهل وبس تبجبجين على راسي .. سمعيني لين اخلص وبلا دلع عاد
انا عندي شقه ماخذها عشان اسويها مكتب ومافيها الا شوي كراكيب وسرير عشان لي تهاوشت مع البيت اروح اهناك .. والحمدلله انا مو متهاوش مع احد حاليا .. ( ظحك ) وابوي مسافر فتقدرين اتقولين ان حالتي مستقره واقدر اعيش في بيت اهلي
فاشرايج اوديج اهناك واروح بيتنا وتنامين وترتاحين فيها لي باجر ويحلها ألف حلال ان شاءالله.. اشقلتي؟ اول فكري عدل وبعدين ردي علي
منار : ( تسمح دموعها وسرحانه بالكوب تفكر ) وهزت راسها (لا)
علي : وقسما بالله مافيها اي احد اصلا مافيها اثاث بس قنفه بره وبالغرفه سرير وكفر ومخده وبس مافيها شي بعد , وماراح انزل معاج بعد اشتبين اكثر؟ بس اعطيج المفتاح وانتي تنزلين وباجر عالغدى اييبلج شي تاكلينه ونفكر بحل للمشكلة اللي ماعرفها ( ابتسم لها ) اوكي جذي؟؟
منار : ( اسكتت مده ) .. اوكي
علي : نمشي؟
منار : اوكي
اطلعو بره ومنار راحت صوب الباب اللي ورا
علي : ( يظحك ) قلنا بوصلج بس عاد لاتحسسيني اني سايق .. قعدي جدام
منار بطلت الباب اللي جدام واقعدت واهي ساكته ماقالت ولا كلمة
علي : ( شغل السياره ومشى ) منار جم عمرج؟
منار : 23
علي : شايله مشاكل اكبر من عمرج اشخليتي لي انا عمري 27 شايب صح؟
منار : ( ساكته مسنده راسها عالجام و سرحانه بالشارع )
علي : نحن هنا الوووو ؟؟؟ الووو ؟؟ الأرض تنادي منار حول ..
منار : ( ماترد ) .. سكت علي بعد وكمل الطريج ومحد يتكلم
بعد فترة .. وصل حولي المكان اللي فيه شقته
طالعها الا يلقاها نايمه ..
علي : منار قومي وصلنا .. منار .. (حط ايده على جتفها وهزها عالخفيف عشان تقوم ) منار قومي
منار : ( قامت مخترعه ) شنو فيه؟؟؟
علي : مافي شي بس قعدتج لأن وصلنا .. وهذا المفتاح نزلي صعدي الدور الثالث شقه 8 وانا باجر ان شاءالله وقت الغدى اييب لج شي تاكلينه
منار : ( ساكته متردده )
علي : يللا سمي بالرحمن ونزلي سبحي ونامي وباجر ما يصير الا كل خير
منار : وصلني مابي اروح بروحي
علي : اوكي عيل مشينا ( طفه السياره ونزل )
دشو داخل العماره ومنار منزلة راسها ماتبي أحد يشوفها
مصطفى (اللي واقف عالريسبشن) : ( ابتسم ابتسامه عريضه ) يا مرحب بالاستاز علي يا الف مرحب ان شاءالله ليلة زي الفل عليك يا بااشا
علي : ( عطاه خزه خلته يسكت ويحط راسه بالارض )
منار : ( كان ودها الارض تنشق وتبلعها وفكرت ترجع للشارع بس اللي خلاها تكمل ان ماكو مكان تروحله )
اركبوا الاصنصير ومحد يتكلم اهي منزلة راسها واهو ساكت يطالع الباب ناطره يتبطل عالدور الثالث بس الاصنصير وقف عالدور الثاني وصار بويهم ريالين أعمارهم بالاربعينات تقريبا .. كانوا بيركبون معاهم بالاصنصير
علي : ( وقف بويه الباب وخله منار وراه ) اسف بس اذا ممكن تنطرون الاصنصير لين يفضى ويرجع لكم .
واحد منهم : ( شكله مو على بعضه و يطالع منار ) ليش لهالدرجة مستعيل مافيك صبر جم ثانية؟؟
علي : ياحقير عدل اسلوبك انت صج مو مال احترام (توه بيطلع من الاصنصير عشان يطق الريال بس منار امسكت بلوزته حيل عشان مايروح )
الريال الثاني : ( يمسك صاحبه ) خلاص حصل خير توكلوا على الله
تسكر الاصنصير وعلي لف على منار لقاها تبجي بدون صوت
علي : ماعليه لايهمج اهم شي تنامين بمكان أمان بدل الشارع ماتعرفين منو تلقين فيه
منار : ( تسمح دموعها )
علي : اي عفية عالشاطرة
تبطل الاصنصير وراحو لي باب الشقه بطله لها وشرعه عشان تشوف ان المكان فاضي ومافي اي احد وعطاها المفتاح
علي : ياللا روحي تسبحي و ارتاحي ولا تبطلين الباب الا اذا ييت انا باجر ويبتلج غداج ماشي؟؟
منار : انا خايفه
علي : لا تخافين ماكو الا الخير .. تبين ادق عليج اتطمن ولا اخليج تريحين؟
منار : بلى دق اخاف ايي احد ويبطل الباب والله اموت
علي : ( يظحك ) لا اشدعوه وين قاعدين بشيكاغو؟؟ .. المهم انا بدق على تلفون الشقه اذا رديتي نطري لين اقول اسمج وردي علي اذا ماقلت يعني مو انا سكري الخط اوكي؟
منار : اوكي
علي : يللا انا ماشي تبين شي قبل لا اروح
منار : ( تهز راسها بالنفي )
علي : يللا عيل مع السلامه قفلي الباب عليج ( مشى ناحية الاصنصير )
منار : علي..
علي : ( يلتفت عليها ) هلا
منار : مشكور وايد
علي : ( ابتسم ) العفو ماسويت شي يللا دشي وقفلي الباب
منار : ان شاءالله ( تدخل الشقه وتقفل الباب عليها )

علي صعد سيارته و بالطريج كان سرحان ويفكر
علي : ( بقلبه ) .. انا اللي سويته صح؟؟ خذيتها وحطيتها بمكان ومحد يدري عنها وشكلها منحاشه من بيتهم .. زين انا اشدراني اذا اهي مسوية جريمة و منحاشه او مسوية شي جايد ويمكن اهلها الحين يدورون عليها زين شسوي اذا مقدمين بلاغ خطف ويقطون المشكله براسي ..
( يتنهد بصوت عالي ) .. والله مادري شسوي وهم ماكنت اقدر اخليها تمشي بالشارع بروحها لا حول ولا قوة الا بالله العلي العظيم على هالمشكلة ..
علي : ( بعصبية ) الله ياخذك يا صلاح زيين .. حدي متأزم هذا وقت أغنية (وش جاه) عشان انسى هالسالفة

** البارت الرابع **

علي : ( بعصبية ) الله ياخذك يا صلاح زيين .. حدي متأزم هذا وقت أغنية (وش جاه) عشان انسى هالسالفة
- - - - - - - -
( عند منار )
سكرت باب الشقه واقفلته عليها
تسندت عالباب واقعدت بالأرض لامة ركبها عند حنجها وتبجي
منار : اشلون صار جذي معاي .. ليش يا أحمد ليييش
( تبجي وقلبها محروق ) والحين اانا وين قطيت عمري مو ناقصه مشاكل اكثر ماعرف علي عدل اشلون ييت شقته اول مايطلع الصبح لازم امشي من اهني ..
قامت من مكانها واهي خايفه اتطالع الشقه لقت الصاله مافيها الا قنفه مثل ماقال .. و بخطوات بطيئة ومتردده بطلت باب من البيبان اطلعت غرفة النوم ومافيها الا سرير و ميز ادراج صغير ( كوميدينا ) عليه تلفون أرضي..
اطلعت اتدور الحمام لقت ليته مسكر بطلته بس طلع محترق ..
شرعت الباب ودشت رشت ماي على الافرنجي ومشته بكلينكس واقعدت
... وسرحانه وتدمع عينها خلصت وغسلت (عزكم الله )
وقامت تغسل ايدها لي اكواعها وغسلت ويهها بعدين اطلعت راحت الغرفه
و اقفلت عليها الباب .. انسدحت تلحفت واقعدت تبجي بصوت عالي عشان ترتاح
- - - - - -
( عند علي )
دش البيت وسكر الباب توه بيصعد غرفته ولا يشوف امه قاعده بالصاله وناطرته
( ام علي وايد طيبه وتحب بيتها واعيالها - علي وعثمان وعالية وعمر- بعدين نتعرف عليهم )
ام علي : علي؟؟ جم الساعة الحين؟؟
علي : (قعد يم امه ويبوس راسها وخدها ) مسااء الخير يا حياتي يا عمري يا احلى مريومه بالعالم كله
ام علي : عليوي ويعه وخر عني ولا تحاول تساحلني و أي مساء الحين؟؟ الساعه اربع الا ثلث اتقولي مساء .. وين كنت لي هالحزة هاا؟؟ مو علبو انت صبي ماترد الا ويه الصبح
علي : يمه راح اصك الثلاثين لي متى يعني باخذ اذن على كل شي ؟
ام علي : لين تتزوج وتريحني
علي : يمه عااد لا تصيريلي ابوي الثاني انا ماصدقت على الله سافر عشان اخذ بريك راحه من صراخه .. حياتي انتي مريوومه لا تزعلين فديتج انا وبعدين شمقعدج لي هالحزه ليش مو نايمه؟
ام علي : قعدت عشان اصلي ولا ناسي ان في صلاة اسمها الفير؟ وبعدين تعال قولي وين كنت لي هالوقت؟
علي : كنت اسوي عمل خير
ام علي : اشلون يعني؟؟
علي : ساعدت شخص لقيته بالطريج ووصلته بيتهم , يمه انا دخت بروح انام ( باسها على راسها وقام )
ام علي : يمه دير بالك حبيبي مو اي احد تركبه معاك هالايام الدنيا تخوف ماتدري منو الزين ومنو اللي ماله امان
علي : اي والله عدل كلامج ادعيلي انتي بس.. يللا انا رايح انام تصبحين على خير
ام علي : الله يوفقك ويسهل دربك ويحفظك يا بعد عمري يا وليدي زين يمه صل اول بعدين نام
علي : ان شاءالله ..

علي صعد دش غرفته وراح الحمام توضى وصلى بالغرفه وبعدين دش سبح و طلع لبس شورت وسكر الليت وانسدح قعد يفكر ب منار ..
علي : خل ادق اتطمن عليها ( مسك تلفونه ودق على شقته )
- - - - -
منار كانت متلحفه وتبجي وفجأة رن التلفون فزت مخترعة ارفعت السماعة وتمت ساكته
علي : الو منار؟؟
منار : ( تحاول تكون طبيعية وماتبين انها تبجي ) هلا علي
علي : ها كل شي تمام عندج؟
منار : اي مشكور
علي : منار فيج شي؟؟
منار : لا كل شي تمام لا تحاتي
علي : زين خفي على عينج راح ينشف منها الماي بعدين من وين نرد نعبيها؟؟
منار : ( ساكته )
علي : تبين اقولج قصة عشان تنامين ؟؟
منار : ( تبتسم وتمسح دموعها ) قول
علي : كان يا مكان في قديم الزمان .. كان في بطة حلللللوه لونها ابيض ثلجي تزوجت بط لونه اسود .. بط مذكر بطة بقاموسي الخاص .. حلوه بط مو؟
منار : ( تظحك ) اي اعجبتني
علي : ايييي جذي ظحكي والله تره الدنيا ماتسوى دموع هالكثر حدج دمعتين و وايد عليها بعد .. المهم خل اكملج قصتي يا طويلة العمر
هالبطه البيضه الحلوه تزوجت بط اسود ويابو 5 بطاطيط
منار : ( تظحك )
علي : دمي خفيف؟؟
منار : حده
علي : ياحلاتي أونس .. المهم هالخمس بطاطيط كانو كلهم بيض الا وحده سوده طالعه عالابو ( وقعد يكمل لها القصه )
علي : الووو منار .. منوور
منار : ( ماكو الا صوت نسمها )
علي : يللا نوم العافيه ( سكر التلفون ) .. والله هالبنت مسكينه الله يفرج همها

** البارت الخامس **

علي : يللا نوم العافيه ( سكر التلفون ) .. والله هالبنت مسكينه الله يفرج همها
- - - - - -
طفل صغير اسمه عمر عمره 3 سنوات ونص دش غرفة علي ركض ونط عالسرير وقعد يناقز
عمر : قوووم عليييييي .. قوووم قوووم .. يللا قوووم علي قووووم
علي : ( يصرخ ) عموووووووووووور انزل من السرير واطلع بره لا اطقك
عمر : ماما تقووول غدا الحيييييييين بسرعه
علي : ( فز فتح عينه ) غدا؟؟؟ ليش الساعة جم؟؟
عمر ( يناقز عالسرير ) : هاا؟؟
علي : شوف من قاعد اسأل بس .. وخر عني ولاتنقز لا اطقك من صج هالمره
عمر : ( يقعد بحضن علي ويلمه ) حبييبيي علييي
علي : ( باس عمر ) عليك حركااات تخرع هذا وانت طول الاصبع يللا حبيبي روح اطلع وقول حق ماما علي مايبي غدا بيطلع بره عنده شغل زيين؟؟
عمر : هاا؟؟
علي : اووهووو قولها مايبي اكل يللا اطلع بره
عمر : زين ( طلع بره يركض )
علي : ( يطالع الساعه ) الساعه وحده وللحين مايبت لها شي تاكله خل اقوم بسرعه ابدل واطلع ادق عليها بالطريج

تحت بالصالة الصغيره على طاولة الطعام قاعدين ام علي وعمر الصغير وعثمان ( عمره 22 ) وعالية ( عمرها 17)
مر علي عالصاله الكبيره بيطلع بره
ام علي : علي تعاال اكل وين رايح ؟؟
علي : يمه والله مستعيل ماقدر معزوم عالغدى ومحد قعدني فحيل متأخر
عاليه : انت لو قايلي جان قعدتك انا قاعده اليوم مبجر
علي : مادري نسيت .. يللا انا ماشي مع السلامه
ام علي : يمه دير بالك
علي : ان شاءالله يللا باي
عثمان : يمه ابي سيارة يديدة
ام علي : يمه واشفيه الهمر ؟؟
عثمان : يمه زهقت منه وبعدين خلاص الكويت كلها اتش ثري بغير
عالية : اي يمه ييبيله بورش عشان السنه اليايه انا اسوق الهمر
عثمان : تخسييين شنو بنت تسوق همر ماكو شغل انطمي بس انتي حدج التيما
عالية : زين لاتسب
عثمان : غصبن عل...
ام علي : ( تقاطعه ) خلاااص بس عاد احترموني او حترموا النعمة شوي وبسكم نجرة
عمر : خلاااص بس نجرة
الكل ظحك على عمور وكملوا اكلهم
- - - - - - -
بالسياره علي يتصل على الشقه بس محد يرد ..
علي : ( بقلبه ) وين هالبنت ماترد .. زين اخاف ماتاكل عيش .. بس احسن من الصمون خل اييب لها مجبوس دياي احسن شي ..
- - - - - - - - - -
منار توها افتحت عينها اقعدت اتطالع المكان تبي تتذكر اهي وين
منار : ( قامت بسرعه ) جم الساعه الحين ( قامت اتدور ساعه مو لاقيه ) .. انا قلت لازم اروح اول مايطلع الصبح خل اقوم بسرعه اسبح واطلع

دشت الحمام عشان تسبح عالسريع .. اقعدت اتشم الفوطه ..
منار : والله ياخوفي مو نظيفه بس شسوي لازم اسبح ..
سكرت عليها الباب ( الحمام في نور من الدريشه الصغيره )
- - - - - - - -
علي وصل عند باب الشقه يطق الجرس مره مرتين ثلاث محد يرد
دق عليها هم ماكو رد ..
علي : وينها لايكون راحت؟؟ ( يرد يطق الجرس وناطر )
( منار توها طالعه من الحمام ولافه عليها الفوطه وشعرها مبلل يقطر ماي واسمعت الباب والجرس ينطقون مع بعض خافت قلبها بغى يوقف )
منار : ( راحت يم الباب واتشوف من العين السحريه )
منار : علي؟؟ بقلبها ( اشلون راحت علي نومه؟؟ كنت بطلع من هالمكان قبل لا يرجع )
علي : بطلي الباب العمارة كلها اسمعتني اكسر الباب وانتي ماسمعتي؟؟
منار : لحظه بس شوي وابطله زين؟؟
علي : بطليه الحين موقفتني ساعه بره خلصيني يللا
منار : ( بطلت الباب شوي وطلعت راسها وشعرها يقطر ماي عالارض )
منار : ( تتكلم واهي بتمووت من الاحراج ) آسفة بس كنت اسبح بخلي الباب مطرف و اروح داخل عشان ابدل انطر ثواني بعدين دش اوكي؟
علي : ( منحرج ) اوكي .. ( نطر دقيقة بعدين دش وشايل معاه جيس الاكل حطه عالارض وقعد عالقنفه ناطرها )

منار بالغرفه تنشف جسمها وشعرها والبست ملابسها واقعدت عالسرير اتفكر بالحاله اللي اهي فيها ووين اوصلت
منار : ( بقلبها ) اشفيج يا منار قاعده بشقة شخص غريب توج امس صادفتيه .. الله يسامحك يا أحمد ( حست ان ودها تنفجر و تبجي بس تعوذت من ابليس وقررت تطلع حق علي )
دشت منار الصاله التفت عليها علي وقعد يطالعها ( كان شعرها القصير مبلل ويهها حلو بريء و مافيه مكياج )
علي : ها اشلونج اليوم؟؟ ان شاءالله نمتي عدل؟
منار : ( اقعدت بطرف القنفه ) معني ما اذكر متى نمت بس الحمدلله نمت وارتحت ..
علي : ( يسوي روحه يفكر ويعصر مخه ) نمتي بالظببط يوم البطه السوده تبجي اتدور اهلها
منار : ( تظحك )
علي : ( بقلبه ) حلوه ظحكتها
علي : زين خل اييب الطاوله اللي بالغرفه عشان احط الاكل عليها
منار : لا خلك .. انا اييبها
منار راحت يابت الطاوله ( الكوميدينا الصغيره ) وحطتها جدام علي
علي : ها تسمحيلي اكل معاج؟؟ تره ماتغديت والله
منار : ( تبتسم ابتسامه فيها حزن ) اي اكيد
علي بطل الاكل وقطع لها دياي واهي قاعده تاكل عالبطيئ وتسمعه ياكل و يسولف بس بالها ماكان معاه وسرحانه
علي : ( يحرك ايده جدام ويه منار ) هاا وين رحتي
منار : ( تهد القفشه ) ولا شي بس الحمدلله شبعت
علي : ماكليتي شي؟؟
منار : بلى الحمدلله شبعت .. و مشكور وايد انا لازم امشي الحين
علي : تمشين!! .. وين بتروحين؟
منار : ( تدور اي عذر عالسريع ) بروح بيت رفيجتي
علي : اكيد عندج مكان تروحين له؟؟
منار : ( اوقفت ) اي ويللا انا ماشية
علي : ( وقف معاها ) يللا عيل اوصلج بطريجي
منار : لا لا مابي اكلف عليك انا اروح بروحي
علي : في احد معين بياخذج يعني؟؟
منار : لا ماكو .. بس انا اتصرف انت ماقصرت معاي مشكور
علي : ( قعد عالقنفه واشر لها ) قعدي شوي
منار : ( اقعدت واهي ساكته ماقالت شي )
علي : منار صارحيني ولا تقصين علي .. انا ادري ان ماعندج مكان تروحين له وانج ماتبين تقعدين بشقة شخص غريب عدل ولا لأ؟؟
منار : تهز راسها .. عدل
علي : والله يا منار اني ماراح اضرج بشي وهالشقه اعتبريها لج لين الله يفرجها عليج .. و لو تبيني ما ايي حااضر من عيوني اييب ثلاجه صغيره واعبيها اكل وماي وماتشوفيني واتطمن بالتلفون بس .. زين جذي؟
منار : ( منزله راسها بالارض وتحس بعوار ببلعومها لأنها حابسه دموعها غصب )
منار : لا مابي تسلم ماقصرت بس انا لازم امشي من اهني
علي : زين فرضا سمحتلج وخليتج اتروحين وقعدتي تمشين بالشارع وماعندج مكان محدد تروحين له .. ووقف واحد حقير وركبج معاه غصب واذاج؟؟
منار : ( ارفعت راسها وطالعته بعصبيه وغصب ماسكه البجية )
علي : اي لاتطالعيني جذي انا شاب واعرف ان في شباب وصخين وايد محذفين بالشوارع
منار : ( لفت ويهها عنه عشان لايشوف دموعها ) لا تحاتي ما اركب الا مع مره
علي : ( يظحك ظحكة استهزاء ) لا يعني الحريم الحين مسكتين .. يا كثر ماسمعنا سوالف ان حريم خدروا بنات وودوهم حق رياييل ..
منار : ليش تخوفني اكثر ؟؟ ماحب اسمع جذي كلام
علي : اي لأن هذا الصج
منار : ( انفجرت واقعدت تبجي من قلب )
علي : ( يطالعها ومايدري اشلون يواسيها قعد يدور كلينكس بجيس الاكل وعطاها اياه )
علي : هاج مسحي دموعج ولا تبجين .. انتي اهدي وقوليلي مشكلتج وانا والله مستعد اساعدج على قد ما اقدر
منار : ماتقدر تساعدني محد يقدر يساعدني
علي : انتي بس جربي وقوليلي اشتخسرين
منار : ( تبجي من قلب ) انا.. امي من قبل سنتين (تبجي وتناشق وتمسح خشمها )
علي : لحظة مسحي دموعج وتنفسي ارتاحي بعدين سولفي على راحتج
منار : ( تتنفس وتمسح دموعها ثواني بس وترد تبجي مثل الياهل اللي ضايع من اهله )
علي : لا جذي عيل خلاص يبه هونت مابي اعرف الموضوع .. قومي غسلي ويهج وامشي معاي
منار : ( تحاول تسيطر على نفسها وماتبجي ) ( بصوت مخنوق ..) : وين؟؟
علي : نتمشى اتشمين شوية هوا وارجعج اهني
منار : بس ..
علي : ( يقاطعها ) لا بس ولا شي مابي اسمع اعتراض يللا قومي غسلي ويهج ناطرج
منار دشت الحمام وغسلت ويهها واقعدت اتطالع عيونها بالمنظره كانو متفوخين وحمر من كثر البجي مشطت شعرها باصابع ايدها اساسا اهو كان ناعم بس لأن توه بدى ينشف منه الماي فصاير متعفس شوي
اطلعت من الحمام لقت علي واقف يم باب الشقه وبيده مفتاح سيارته
علي : يللا نمشي؟
منار : يللا
اطلعوا واهو قفل الباب وانزلوا تحت والحمدلله ماصار لهم اي موقف بايخ مثل اللي صار امس
اركبت بالسياره يمه وكل شوي تتلفت
علي : ( لاحظ انها مرتبكه ) لا تخافين ان شاءالله مايصير الا كل خير
علي : ( طلع نظارة شمسية من درج السيارة ) هاج لبسيها شمس الكويت مشكلة
منار : ( خذتها منه والبستها وتمت اتطالعه واهو يسوق من غير لا ينتبه لها )
( علي طويل وعريض.. اسمر حنطاوي شعره اسود حواجبه عراض ومرتفعين مخليته يبين جنه عصبي خشمة مسلول .. و شواربه اخفاف ولحيته ديرتي يعني ملامحه على بعضها ماعطيته جاذبيه غريبه )
منار : وين راح نروح ؟
علي : تبين نتمشى عالبحر؟؟
منار : لا اخاف اشوف احد اعرفه اهناك
علي : زين انتي ماكليتي شي .. امشي انروح نتغدى
منار : لا مو يوعانه كليت
علي : زين انا يوعان اشلون يعني اموت من اليوع ما اكسر خاطرج؟
منار : انت اطلبلك أكل .. انا شبعانه مابي آكل
علي : لا انا خاطري بأبل بيز
منار : اوكي
( أغلب الطريج كان هدوء ومرات علي يقط قطات مليقه يحاول يظحكها بس اهي اغلب الوقت سرحانه بالشارع )
( اوصلوا عند ابل بيز البحر علي سفط السيارة وطالع منار )
علي : يللا مشينا واذا ماتبين تفصخين النظاره خليج لابستها لين نقعد داخل
منار : اوكي

** البارت السادس **

علي : يللا مشينا واذا ماتبين تفصخين النظاره خليج لابستها لين نقعد داخل
منار : اوكي
( علي اختار طاوله بعيده عن العيون عشان منار تاخذ راحتها اكثر )
علي : ها شنو تبين تطلبييين؟
منار : شبعانه مابي آكل مشكور
علي : زين ما اجبرج بس عالاقل اكلي معاي من اكلي ماحب اكل بروحي وبطلبلج عصير اوكي؟
منار : ( ابتسمت بحزن ) اوكي
علي : ( يظحك و يأشرها على ريال قاعد ياكل بروحه ) شوفي هذا.. تلقين حبيبته عطته طناش لين استسلم وقرر ياكل
منار : ( ابتسمت )
وصل الاكل وعلي غصبها الا تاكل معاه .. كلت شوي و تمت تسمع سوالفه اللي ماتخلص وتشرب عصير
علي : ( يظحك ) مو جني اسولف وايد ؟ لا صج ما انعطه ويه بسكت
( منار ابتسمت وبعد فترة قصيرة اسألته )
منار : علي .. عندك حبيبة ؟
علي : ( بلع لقمته غصب ماكان يتوقع تسأله جذي سؤال )
علي : حاليا لأ
منار : يعني كان عندك؟
علي : ( ابتسم ) اي كان عندي
منار : و تخليت عنها؟
علي : أحمد تخلى عنج؟
منار : ( حست جنه سجين دش بقلبها وماقدرت اترد عليه بس ارفعت عينها اتطالعه مصدومة ويت على بالها الف فكرة وفكرة )
منار : اتعرف احمد ؟؟
علي : ( يظحك ) اعرف احمد خالد واحمد الوحش و احمد بوناجي .. انتي أي احمد تبين؟
منار : ( حست بهاللحظة ودها تطعنه بالسجينة اللي عالطاولة لأنها بحاله ماتسمح ان يلعب بأعصابها بهالطريقة )
منار : علي اكلمك جد مو وقته الغشمرة الحين .. اشلون عرفت عن أحمد؟
علي : ( بعصبية ) يبه لا اعرفه ولا شي .. يوم اغمى عليج كنتي تنادينه واتقولين ليش يا احمد
منار : ( قامت والدم كله صاعد بمخها ) عن اذنك بروح الحمام

قامت منار راحت الحمام وعلي قعد يكمل اكله .. بالحمام منار تحس انها مختنقه ودها تنفجر من البجي بس تعوذت من ابليس وغسلت ويهها
واهي قاعده اتنشف ويهه بالكلينكس دشو بنتين الحمام يعدلون مكياجهم

البنت1 : طيبوووه والله انه حلو دام تركتو بعض بخزه عشان يرقمني
البنت2 : ( تحط حمره فوشيه ) حبيبتي حدي مستعيلة انا اعطيج رقمه وخلاص دقي عليه
البنت1 : والله انج عسل

اطلعت منار من الحمام وارجعت حق علي
علي شافها ابتسم
علي : يللا اكلي ماكلتي شي
منار : لا بس شبعت الحمدلله
علي : انا اعتذر اذا ضايقتج يللا اكلي
( يو البنتين نفسهم اللي كانو بالحمام وام حمره فوشيه طالعت علي بنظره وابتسمت وطقت جتفه بجنطتها وهي ماشيه )
منار : تعرفها ؟
علي : اي كنت اعرفها
منار : هذي اللي حبيتها ؟
علي : لا مو اهي
منار : اللي معاها راح اتدق عليك
علي : شنو؟ منو؟
منار : البنت اللي توه كانت معاها .. سمعتها بالحمام اتقول تبي تاخذ رقمك من اللي تعرفها وبتدق عليك
علي : ( يبتسم ) الحمدلله والشكر .. زين اطلب الحساب ولا تبين شي؟
منار : لا مابي شي تسلم
علي دفع الحساب ومشو من المطعم
علي : الحيين بنروح المركز العلمي
منار : لا ..
علي : راح انروح غصب مو كيفج
منار : بس ..
علي : راح انروح يعني راح انروح
( راحو المركز العلمي وتمشو بالاكواريوم وكل شوي يقول شي يخليها تظحك )
خلصو و ردو السياره وبالطريج كان مشغل الاف ام ويسولف عن اللي صار معاهم بالمركز العلمي
منار : ( لافه ويهها عالشارع وبالها مع الاغنية اللي بالاف ام )
كانت انغام تغني (هاتمنالو الخير ..ايه يعني يفوتني و ينساني ..ماهو ياما تحمل علشاني .. ما هو ياما كان ألبو عليا .. هاتمنالو الخير
ماهو أبل ما يجرحني داواني ..كان عمرى و كان هو زماني ..كان ألبي و روحي و عينيا )
منار : ( تبجي وعلى قد ماتقدر حابسه الصوت عشان لا يسمع شي )
علي : ( انتبه عليها ودش واجهة من واجهات البحر وسفط السياره )
علي : منار ؟؟ مو اتفقنا انج تنسين شي اسمه بجي؟؟ مافي شي يسوه عطي المشاكل طاف
منار : سهل عليك تقول جذي لأنك مو بمكاني .. ( تبجي و ترفع صوتها ) وحتى لو صرت بمكاني انت ريال تقدر تدبر الف حل
علي : زين لاتبجين هدي شوي .. واعتبريني اخوج وماراح اخليج بروحج بهالمشكله
منار : وليش تكون مسؤول عني ؟؟ مو ملزوم فيني انت
علي : بلا من يوم طحتي عند سيارتي صرت ملزوم فيج
منار : ( ساكته مده ) .. ممكن استخدم تلفونك؟
علي : بتدقين على منو؟
منار : رفيجتي .. بقعد عندها
علي : ( يعطيها تلفونه ) هاج
منار دقت الرقم وناطره احد يرد عليها
منار : الو .. مها ؟
علي يمها وقاعد يسمع
منار : اي انا منار .. مايهم انا وين بس داقه ابي منج خدمة
(بطلت باب السياره وانزلت وسكرته وراها عشان تكلم رفيجتها ومايسمعها علي )
منار : مها انا محتاجه فلوس وملابس داخليه وبدله وحده مو اكثر .. وانا اردلج كل شي بعدين
علي : ( تعمد ينزل من السياره عشان يسمعها ويتطمن ان كل شي تمام معاها )
منار : ( شافت علي و صوتها بدى يتغير من العبره اللي فيها ) زين اقدر انام عندج اليوم بس؟ ودي اسولف معاج محتاجه اقولج اللي صايرلي
منار : ( ساكته تسمع مها و انزلت دمعتها ) اوكي مشكورة ( وسكرت الخط )

علي : ها اشقالت؟
منار : ( تسمح دموعها وتبتسم له ) قالت حياج الله
علي : ( يبتسم ) الحمدلله .. ارتحتي الحين ؟
منار : اي ارتحت الحمدلله
علي : راح تكونين بعيده عن المشاكل اهناك؟؟ يعني مكانها امان؟
منار : ( تبتسم وعينها متروسه دموع ) اي مها اعز رفيجه عندي
علي : عيل يللا وين بيتهم؟
( دلته منار البيت .. يوم اوصلو وقف السياره شوي بعدين عن الباب عشان لايشوفونها راكبه معاه )
منار : ( طالعة علي ) مشكور على كل شي والله يوفقك يارب ويفتحها بويهك
علي : ( يبتسم ويحاول يظحكها ) جنج امي على هالدعاوي
منار : الله يخليها لك والله ان الأم نعمة ماتتعوض
علي : تسلمين ويخليلج اهلج
منار : والله مادري اشلون اردلك الجميل ..
علي : بس لاتكملين لا انزلج وانا مزعلج .. ( ابتسم لها ) انا ماسويت شي اي واحد مربى بيسوي اللي سويته واكثر من جذي .. يللا روحي وديري بالج على نفسج
منار : اوكي .. ( انزلت من السياره )
علي : ( يفتح دريشة السياره ) منار ؟؟
منار : هلا ؟
علي : والله ودي اقولج شي واخاف تفهميني غلط ( سكت شوي ) بس رقمي عند رفيجتج اي شي يصير معاج تذكري اخوج علي وكلميني ولا تتردين
منار : ان شاءالله .. مشكور على كل شي امش لحد يشوفك انا الحين بدش بيتها
علي : يللا اوكي انا ماشي ديري بالج على نفسج .. باي
- - - - - - - - - -
بالطريج علي يكلم نفسه ..
علي : انا ليش متضايق؟؟ بالعكس المفروض استانس لها لأنها عند رفيجتها وبوسط عايله مو ابروحها .. الله يوفقها
( وصل بيتهم و دش )
ام علي : ييت يا علي والله يابك تعال شوف هالاثنين دوخووني كله يتهاوشون سكتهم والله تعبت معاهم
عالية : ( اتصرخ ) يمه انا ماسويت شي اهو كله مناشبني
عثمان : جب لا تعلين صوتج لا اييب المقص واقص السانج
علي : ( يصرخ ) عثمان .. عالية خلاص مابي اسمع حسكم يعلا لا والله اطلع كل الحره اللي فيني على روسكم فاهمين ؟؟
عثمان : علي بس هالبنت يبيلها طق مو بس صراخ تخيل شاغله التلفون ساعتين كاملين ؟؟ وانا بره وبكلم امي مو قادر تلفونها مغلق وتلفون البيت كله مشغول؟؟ منو تكلم كل هالوقت ؟؟
عالية : قاعده ادرس امتحان مع رفيجتي بالتلفون فيها شي؟؟
عثمان : دراسه بالتلفون وين صارت انتـ....
علي : ( يصارخ من قمة راسه ) خلاص لاتزيد حرف والله مالي خلق ومابي اسمع صوت لا منك ولا منج
عالية وعثمان اسكتو
ام علي : يمه اشفيك ليش متضايق ؟
علي : ماكو شي يمه بس بروح داري ارتاح .. وانتو والله اذا سمعت صوت هواش انزل واطلع الحره فيكم
عثمان : انا بطلع واريحكم
( علي صعد غرفته وانسدح بفراشه يفكر بمنار .. شوي الا يسمع رنة مسج واصله )
فتحه وكان هذا المكتوب :
منور والله تعرفين اشكثر معزتج بقلبي وحايشني تأنيب ضمير و ودي اساعدج بس والله ماقدر .. اخوانج يو بيتنا اكثر من مره يسألون عنج وامي محلفتني اني لو كلمتج اقولها بسرعه , فكلش ما اقدر اسوي شي.. آسفه لأني ماقدرت أخليج تنامين عندي وآسفه لأني ماقدرت اعطيج ملابس وفلوس .. وآسفه لأني ماسمعتج وخليتج اتطلعن اللي بقلبج .. آسفه على كل شي .. ادري مايخفف عنج هالمسج ويمكن يكدرج اكثر بس والله احبج منور ومابيج تشيلين بقلبج علي
( علي انصدم من المسج وحس دمه يغلي .. فز بسرعه من سريره ونزل تحت )
أم علي : يمه علي وين رايح توك راد من بره
( علي طلع من البيت ومارد عليها .. وركب سيارته ودايس بيروح المكان اللي نزلها عنده )
علي : ( يطق السكان بيده ) ليش سويتي جذي يا منار ليش جذبتي وقلتي انها وافقت تنامين عندها.. ليييييييييييييش ( دايس ويسب الناس ويدق هرنات حق العالم حتى بالاشاره الحمره )

بعد فتره وصل المكان اللي نزلها فيه وقاعد يتلفت يمين ويسار ويدورها والمفاجأة ان لقاها قاعده بممر كله زرع بين بيتين ..
علي : ( مو مصدق عيونه نزل من السياره من غير لا يطفيها وقعد يحمد ربه ان لقاها وانها بخير )
( أول ما وصل لها لقاها قاعده متربعه عالارض وماتتكلم .. قعد جدامها )
منار ارفعت راسها وشافته جان تفجر كل اللي بقلبها وتبجي
علي : ( بصوت هادي ) ليش يا منار؟؟ مو اتفقنا تعتبريني اخو لج؟؟ ليش ماقلتيلي الصج؟؟
منار مغطيه ويهه بايدها وتبجي وماقالت ولا كلمة
علي : ( يمسكها من زندها ) يللا قومي معاي
منار : ( قامت )
ركبها السياره وقعد يطالعها واهي بس تبجي
علي مشى وماقال شي وطول الطريج اهي تسكت شوي وترد تبجي بعد دقايق
اوصلوا لي الشقه ونزلها معاه
مصطفى ( الرسيبشن ) : ( يطالع منار واهي دموعها على خدها وويها أحمر ومتفخ من البجي ) الله ؟؟ خير يا استاز علي ؟؟
علي حقره وصعد مع منار بالاصنصير ودشو الشقه
علي : ( بهدوء ) منار ليش سويتي جذي ردي علي
منار : ( ماترد بس تبجي وتوخر ويهها عنه )
علي : منار والله بديت اعصب لا تخلين اعصابي تفلت وتكلمي ليش سويتي جذي ؟؟
منار : ( ماترد )
علي : ( يصرخ عليها ) انتي اشفيج ؟؟ مهما كانت مشكلتج كبيرة يعني قعدتج بالشارع بتحلها لج؟؟ ينيتي؟؟؟؟
منار : ( واقفه ومنزلة راسها ودموعها ماتوقف )
علي : ( مسك منار من جتفها وقعدها عالقنفه ويصرخ ) بس لاتبجين كلميني ردي علي .. هذا تصرف وحده عندها مخ؟؟
منار : ( ماترد )
علي : ( يعلي صوته اكثر ) اكلمج انا ردي علي تره والله وصلت حدي
منار : ( اركضت غرفة النوم واهي تبجي واقفلت عليها الباب )
علي : ( يعلي صوته عشان تسمعه ) سمعي يا منار انا بخليج اليوم ترتاحين وراح ارد باجر بس والله يا منار والله اذا رديت ولقيتج طالعه ماتلومين الا نفسج
( طلع من الشقه واهو معصب ورقع الباب وراه )
ومنار انسدحت عالسرير وبجت وااايد لين نامت
- - - - - - - - -
علي رجع البيت وانسدح يفكر باللي صار ..
علي : ( بقلبه ) انا ليش صرخت عليها بهالطريقة وليش هددتها ؟؟
انا مو مسؤول عنها واهي اذا بتطلع كيفها .. بس انا ليش سويت جذي
علي : افففف اشصاير لي وايد قاعد افكر فيها مو قادر انام
( وتم يتقلب ويفكر فيها مده لين نام )

** البارت السادس **

علي : افففف اشصاير لي وايد قاعد افكر فيها مو قادر انام
( وتم يتقلب ويفكر فيها مده لين نام )
- - - - - - - - - - - - -
ام علي : يمه حبيبي علي قوم تغدى معانا منزمان ماقعدت معانا عالأكل
علي : ( يدفن ويهه بالمخده ) يمه مابي غدا بنام
ام علي : الساعه وحده يعني لي متى بتنام ؟
علي : ( يستوعب كلامها ) الساعه وحده؟؟
ام علي : ( تبتسم ) اي يا حبيبي يللا قوم غسل عبال ما احط الغدا
علي : ( قام ) لا يمه انا بتغدى مع الربع
ام علي : اشطاري عليك هالايام ماتشتهي اكل امك؟
علي : والله لو الف الكون كله طول بعرض ما القى احلى من اكلج يا الغالية انتي .. بس والله مستعيل ( ودش الحمام – عزكم الله - )
ام علي : على راحتك يمه ( اطلعت من غرفته )
( على طلع من البيت ودق عالشقه )
منار : ( ردت عالتلفون بس ماتكلمت )
علي : منار؟
منار : هلا علي
علي : ( بقلبه ) اشوه ماراحت .. والله فشله مادري اشفيني امس صرخت عليها
علي : ها شنو خاطرج تاكلين؟
منار : أي شي عادي
علي : لا مايصير قولي شنو تحبين
منار : اطلب الغدا على ذوقك
علي : اوكي نص ساعه واكون عندج
( علي دش الشقه ويايب معاه بيتزا )
علي : مساء الخير اشلونج اليوم ان شاءالله احسن ؟؟
منار : الحمدلله
علي : عيل قعدي خل ناكل لأني ميت من اليوع
منار : ( اقعدت عالقنفه )
علي : ( بطل البيتزا وشال قطعه وعطاها منار ) ديري بالج تره حاره
منار : ( خذتها واقعدت تاكل )
علي : منار ؟
منار : ( ارفعت راسها اتطالعه )
علي : آسف عاللي صار امس
منار : انا بعد آسفه
علي : عفية لا تسوين شي من غير لا تقوليلي
منار : ان شاءالله
( خلصو الاكل وغسلو ايدهم واقعدو بالصاله يسولفون )
منار : علي انت ماقصرت معاي وابسط شي اقدر ارد لك فيه الجميل اني اقولك سالفتي
علي : انا ودي اعرفها عشان اساعدج بس اذا مالج خاطر مو لازم تقولين والله
منار : لا انا ودي اقولك سالفتي كلها اذا لك خلق تسمعها
علي : ( يبتسم لها ) أكيد لي خلق .. ودي اعرف كل شي عنج
منار : ( تاخذ شهيق طويل وزفير وتحاول تسيطر على اعصابها عشان تقوله سالفتها وماتبجي )
علي : اذا مو مرتاحه خليها وقت ثاني
منار : لأ انا بقول الحين

** البارت السابع **

علي : اذا مو مرتاحه خليها وقت ثاني
منار : لا انا بقول الحين
منار : ( تتكلم بهدووء عشان تسيطر على نفسها ) انا كنت اعيش مع امي وما اشوف ابوي الا نادر يمر دقايق ويمشي وماعندي خوال ولا اعرفهم لأن امي بحرينية وتزوجت ابوي واهلها مو راضين فقاطعتهم من يومها وعاشت بالكويت بس ابوي طلع متزوج وصارت مشاكل بين امي وابوي وبعد سنه من زواجهم طلقها وخلانه نعيش بروحنا
ماكان لي الا اهي وأحمد .. ( تدمع عينها ) .. هذيله اللي كنت معتبرتهم عايلتي الوحيده
علي : أحمد منو بالظبط؟
منار : ( تمسح دموعها وتتكلم بهدوء بدون بجي ) أحمد شخص حبيته عرفته من اربع سنين ماكان يقصر علي بأي شي .. ( تبتسم وعيونها كلها دموع ) والله كان يحبني اتعرف الشخص اذا يحبك او لأ من تصرفاته واهو والله كان يحبني
علي : ( ساكت يسمعها )
منار : ( تفرك اصابعها عشان تخفف من رجفة ايدها ) و قبل سنتين ... الحمدلله على كل حال امي توفت ( تبلع ريجها تكمل له السالفه وتتذكر)

(( قبل سنتين ))
- بالمستشفى -
منار يم فراش امها وقاعده تهزها : ( بصراخ وبجي ) يمه .. يمه قومي .. يمه انا مو مصدقه كلامهم انتي مايصير تروحين وتخليني
الدكتور : يا بنتي استغفري ربج وتعالي معاي
منار : ( اتدز ايد الدكتور وتصرخ ) وخر عني .. كلكم وخرو عني انتو جذابين امي ماماتت فاهمين ما ماتت
( تلم امها وتبوس عيونها وراسها وخدها ) : يمه حبيبتي قوومي انا منو عندي من لي من بعدج ماعندي اهل يا يمه
( الدكتور يحاول ياخذها بره الغرفه واهي مو راضيه توخر عن صدر امها )
منار : ( تصرخ واهي ميته بجي ) انت ماتفهم اقولك وخر عنيييي لحد يقرب مني اطلع بره اطلع من اهنييي
منار : يمه يالحنون يا كل دنيتي ليش خليتيني حتى ابوي ماعرفه عدل اشلون اعيش معاه يمه اشلووون
( الدكتور أشر حق الممرضه عشان يطلعون من الغرفه ويخلون منار شوي مع امها )
بطلعة الدكتور دش أحمد الغرفه
أحمد : حياتي منورة
منار : ( لمت احمد وميته بجي ) أحمد امي راحت وخلتني .. شسوي الحين اشلون اعيش
أحمد : ( واهو لامها ) أدري ماكو احد يعوضج عن امج بس انا موجود وماراح اخليج تعوذي من ابليس وهدي نفسج
منار : أحمد لاتخليني مالي احد الحين الا انت
أحمد : اخلي أهلي وربعي ودنيتي وما اخليج .. يللا الحين امشي قعدي بره
منار : ( وخرت عنه وارجعت عند امها و انسدحت يمها ) لأ روح انا شوي بنام عندها .. بنام يمها للمره الاخيره ( لمت امها و غمضت عينها والدموع تنزل على الفراش )
أحمد : مايصير تسوين جذي بنفسج قومي منورة قومي معاي
منار : ( واهي مغمضه عينها ) خلني شوي بنام
أحمد : على راحتج انا بنطرج بره
- - - -
- عند منار وعلي –
منار : ( تمسح دموعها ) أحمد تم واقف معاي وماخلاني
بس بعد العزا ابوي خذاني اعيش في بيته اللي ماشفته ولا مره بحياتي يعني اول مادشيت بيت ابوي وشفت اخواني عالطبيعه كان عمري 21
اخوي الكبير عمره 26 اسمه ناصر والثاني عمره 24 اسمه فهد من شفتهم وانا مارتحت لهم كانت نظراتهم فيها حقد وخصوصا مرت ابوي لأن محد كان يدري ان ابوي تزوج وعنده بنت فالكل كان كارهني حتى ابوي لأني سببت له وايد مشاكل .. مرت ابوي كانت تغلط علي وايد
وابوي مايقولهم اي شي مخليني جني قطعه من اثاث البيت ولا يسأل عني واخواني امنعوني من الجامعه وقعدوني بالبيت وما اطلع كلش
( تبجي وتمسح دموعها وتتنفس عشان تهدا شوي )
علي ( لأول مره طبعا حط ايده على ايدها عشان تهدا وقلبه يعوره كاسره خاطره )
منار ( وخرت ايدها واقعدت تفرك اصابعها ) : علي انا بنت وعندي احتياجاتي الخاصه ماقدر اكلم اخواني فيها ومرت ابوي ماكنت اتجرأ اطلبها لأنها تقومني بالسب وتنومني بالسب
كنت فاقده امي فاقده حنانها وفاقده الراحه بس اللي خلاني اتحمل اهو احمد
ومها رفيجتي بالكليه قبل .. أحمد كان يكلمني بالتلفون كل يوم يشجعني اني استحمل واهو كان بيكمل دراسته بره وماكان يتحمل فراقنا والمعامله اللي يعاملونياها وقبل شهر قرر اني انحاش معاه ونتزوج ( تسمح دموعها ) انا على طول وافقته لأني والله أحبه وابيه يطلعني من اهناك بأي طريقة
( تبجي وتسكت شوي وترد تكمل ) و انحشت معاه بس ماقدرنا نتزوج
لازم ولي امري موجود .. فكر معاي بطريقة نجبرهم يزوجونا حتى لو زواج مخفر .. علي انا .. ( تبجي ) .. انا كنت ابي اي طريقة تخليني اعيش مع احمد انا بهالسنتين اللي كنت فيها عند ابوي والله مادري اشلون عشتهم .. كنت راح اموت
علي : ( حس شي يعصر قلبه وكان متضايق وايد ) زين هدي شوي
كمليلي باجر حاولي ترتاحين وتنامين الحين
منار : لا .. ابي اكمل الحين
علي : ( ما وده يسمع اكثر لأن كان متضايق بس مابغى يكسر فيها ) اوكي كملي
منار : ( تمسح دموعها وخشمها ) بس ناصر لقاني ( تبجي حيل )
علي : ( حط ايده على جتفها ) خلاص منار مو لازم تكملين الحين .. يللا عفيه قومي روحي الغرفه ارتاحي
منار : لا علي خلني اكمل تعبت وانا خاشه بقلبي تعبت ( اقعدت تبجي أكثر )
علي : ( علي يهديها بأي طريقة يقدر لين اسكتت )
منار : حاول أحمد يوخره عني بس آخر شي ناصر قدر يرجعني البيت .. ( تكمل اللي صار وتتذكر)

- في بين ابو ناصر -
ناصر : ( يصرخ على ابوه ويدز منار عالارض ) هاك بنتك الوصخه ماحبيت اضيع عمري بالسجن بسبة هال.... ( مسبة عيب تنقال حق البنات الموزينين ) ورفيجها
( منار طايحه عالارض وميته بجي من اللي صار ومن الطق اللي طقها اياه ناصر بالسيارة )
ابو ناصر : ( قومها من شعرها ويوم صارت واقفة جدامه عطاها طراق قوووي خلاها اتطيح عالقنفة ) يالحقيرة انا يبتج اهني بعد ماماتت امج عشان لا تنقطين بالشارع .. تفو عليج وعلى امج اللي ماعرفت تربيج
منار : ( تبجي وماقدرت تسكت يوم سب امها ) لا تتكلم عن امي .. امي ماتخلت عن ضناها مثل ماتخليت انت عني
ابو ناصر : ( توه بيطقها ولا توقفه ام ناصر )
ام ناصر : يابو ناصر لا تتعب صحتك اقعد انت ارتاح اخوانها يربونها لك من يديد
فهد : ( يمسك منار من شعرها ويطقها كف ) يبه انت بس اشر وانا اذبحها.. عادي انا مستعد ادش سجن فيها
- - - -
- عند علي ومنار –
منار : ( تناشق ) ما انسى الطق اللي طقونياه وخذو تلفوني مني واحبسوني بالبيت حتى غرفتي نارد اني اطلع منها بس بعد جم يوم قدرت انحاش
منار : ( تتكلم وتبجي و ايدها ترجف ) كنت ميته خوف يا علي تخيل انحشت وفهد نايم بالصاله محد كان بالبيت الا اهو والله كنت بموت وانا اتسحب على اطراف اصابعي بس الحمدلله قدرت اطلع من البيت
علي : ( يمسك ايدها الاثنين ويضغط عليهم ) بس خلاص منار لاتكملين شوفي اشلون قاعده ترجفين خلااص مابي اسمع شي وابيج تطردين كل هالذكريات من راسج .. انتي بأمان الحين
منار : ( تسحب ايدها وتمسح دموعها ) اللي قلته لك كله شي تافه مقارنة باللي سواه أحمد .. ( تطق على صدرها ) طعنة الحبيب ماتروح
علي : ( يمسك ايدها ) خلاااص منار رحمي نفسج لاتسوين بعمرج جذي اللي راح راح انسي الحين
منار : ( تعلي صوتها ) شنسى؟؟ قولي شنسى؟؟ انسى اني وقفت على باب بيتهم وطلعلي اخوه وطردني واهو يقول : أحمد راح يكمل دراسته ويشوف مستقبله روحي بيتكم الله يستر عليج .. (تسمح خشمها ) انا اول شي ماصدقته وقلتله ماراح اتحرك الا لين تنادولي أحمد ولا افضحكم بالفريج كله بس بعدين ... ( اسكتت مده عشان لا تنفجر بالبجي مره ثانيه ) بعدين دق عليه جدامي وكان فتح الخط خارجي وحطه سبيكر وكلمه
قاله اني عالباب ومو راضيه اتحرك
- تتذكر –
منار : أحمد انت صج سافرت وخليتني؟
أحمد : منورة انا رحت عشان اشوف مستقبلي .. وانتي بعد شوفي مستقبلج
منار : ( دموعها تترس عينها ) أحمد والاتفاق اللي بينا .. شاللي صار؟ مو نفذت كل اللي تبيه بس عشان نتزوج؟؟؟
أحمد : ( ساكت )
منار : رد علي لا تسكت أحمد والاتفاق اللي بينا؟؟ احمد انت تدري اني أحبك ليش سويت جذي فيني ليييش؟؟
أحمد : انا بروح الحين الله يوفقج بحياتج ( سكر الخط )
اخو أحمد : يللا سمعتي ب بذنج ان مسافر وقالج روحي مايبيج توكلي على الله .. ( سكر الباب بويه منار )
منار ( واقفه مصدومه وادموعها تنزل على خدها )

- عند علي ومنار –
منار : وبس اهني صرت امشي بالشوارع مثل المينونه مو مصدقة اللي صار واغمى علي جدام سيارتك ( تبجي وتطالع علي ) علي انا تعبانه حيل ليش سوه فيني جذي؟؟
علي : (يمسح دموعها بيده ) خلاص منار لاتبجين هالعيون من اليوم راح تظحك ماراح تبجي ان شاءالله
منار : أكيد؟؟؟ أكيد ماراح يصيرلي شي بعد؟؟ اذا صار ماظنتي بتحمل اكثر من جذي راح اموت والله
علي : بعيد الشر عنج .. لا تطرين الموت .. والله ماراح أأذيج ولا اخلي احد يقرب لج
منار : ( بهدوء ودمعتها طاحت على خدها ) اشلون اصدقك وحبيب الاربع سنين طلع جذاب
علي : ( حس بطعنه بصدره ) منار انتي ماتعرفيني عدل ومن حقج تشكين بكلامي .. بس أحمد غير وعلي غير
علي : ( يبتسم لها ) يللا قومي معاي غسلي ويهج ومن اليوم تنسين كل اللي صار وتقطينه وراج
( غسلت ويهها وخلاها اتدش الدار وتنسدح وماطلع من الشقه الا يوم نامت )

** البارت الثامن **
علي : منار
منار : ( ماتطالعه وتكمل اتحط البطول ) هلا
علي : طالعيني شوي
منار : ( ارفعت راسها وطالعته )
علي : ( حط الشبس من ايده ) منار ودي اقولج شي وماني عارف اشلون اقوله ( جان يرن تلفونه )
منار : ( تظحك ) صاير بدالة كل شوي داقين عليك
علي : ( طالع الرقم حطه ميوت ومارد )
منار : امك؟؟
علي : لا هذي اللي بالمطعم
منار : يعني دقت عليك وكلمتها
علي : اي وقلت لها دام غلطانه لا تدقين مره ثانيه وهم للحين اتدق
منار : ( تسكر الثلاجة ) اي رد لا تكسر بخاطرها وتموت مسكينة.. عاد انت وايد عاجبها
علي : صج؟؟ سمعتيها اتقول جذي؟
منار : اي .. قالت حق رفيجتها دام تركتو بعض ابيه حلو يهبل
علي : ( يظحك ) زين انتي اشرايج ؟
منار : كيفك دق عليها
علي : لا اقصد اشرايج بكلامها اني حلو و اهبل ؟
منار : ( اسكتت شوي ) مادري
علي : ( يظحك ) اي قولي اي شي رفعي من معنوياتي
( هم رن التلفون )
منار : زين رد عليها قولها لاتدقين دام ماتبيها اتدق
علي : عشااانج بس ( رد عالتلفون )
علي : الو نعم خير؟؟
البنت : انا اللي دقيت عليك وكن....
علي : ( قاطعها ) والمطلوب؟؟
البنت : اشفيك هد شوي خلنا نسولف وندردش
علي : مو فاضي وبعدين عيب عليج ثقلي شوي
البنت : لا لا خلني جذي احلى
علي : أقول ذلفي ولا تدقين علي مره ثانية ( سكر التلفون بويهها )
منار : ( تبتسم ) حرام شوي شوي عليها ؟
علي : عادي ماكو احساس وهم راح اتدق بعد شوي .. وايد خفيفه الله يعينها على نفسها
منار : مو جنه الوقت تأخر ؟
علي : اشفيج علي اليوم كله طاردتني
منار : لا والله بس ( اسكتت )
علي : اشفيج ؟
منار : ودي اتسبح وابدل ملابسي لايعه جبدي من نفسي
علي : ( يظحك ) زين عيل انا بمشي وان شاءالله باجر عالوحده ونص اكون اهني ومعاي الغدى
منار : ( تبتسم ) لا اكل مع اهلك انا اكل شبس وعصير
علي : انا اكل عيوش ومنور تتغدى شبس وعصير والله ماتصير لو على قطع هذي ( يطق على ارقبته )
منار : ( تظحك ) اشدعووووه
علي : مو مصدقتني ؟؟
منار : ( تظحك ) أي مو مصدقة طبعا
علي : ( يبتسم لها ) بلى صدقي و يللا انا بمشي الحق على امي قبل لا تنام واهي زعلانه
منار : اوكي تصبح على خير
علي : وانتي من اهله بس تره راح ادق قبل لا انام يمكن ماتكونين نايمه
منار : اوكي .. مع السلامه
علي : مع السلامه ( وطلع )
- - - - - - - - -
علي دش بيتهم واهو يغني ( ايه احبك هذا حظي اللي انكتب دربي اللي امشيه وادري به تعب ) واهو مندمج يغني كانت امه بالصالة ناطرته واول مادش نادته
ام علي : يمه علي تعال
علي : هلااا بالغااالية زين لحقت عليج ومانمتي
ام علي : يمه قولي اشفيك والله انك متغير وايد هاليومين .. لا اكل تاكل معانا ولا تعطينا من وقتك شوي .. لايكون كلام عثمان صج
علي : ( بطل عيونه مصدوم ) ليش يمه اهو اشثقالج ؟؟
ام علي : يقول في بنت خذتك وغيرتك علينا
علي : ( يظحك ويبوس ايدها ) يمه وانتي تصدقينه ؟؟ شوفيني عدل ويهي كله براءة
ام علي : والله ماشاف البراءة من حواجبك
علي : ( يظحك من قلب ) يمه افا هذا وانا ولدج تضغطيني جذي
ام علي : زين يمه حبيبي باجر ماتطلع وقت الغدا وبسك عاد تره لنا حق عليك وعمور مات واهو يسأل عنك
علي : زين يمه حطو الغدى مبجر لأن انا وحده ونص بطلع في واحد من الربع يبيني
ام علي : ان شاءالله
علي : يمه ( يبوس ايدها وراسها ) ادعيلي بس يتحقق اللي في بالي والله حتى انتي بتستانسين
ام علي : ان شاءالله .. بس هم للحين زعلانة عليك يللا روح نام انا بقوم داري دخت
علي : والله ما انام وانتي زعلانه علي
ام علي : الله يرضى عليك خلاص موزعلانه روح نام تصبح على خير
علي : وانتي من اهله
( قام راح داره وصلى ودش يسبح و انسدح ودق على منار )
- - - - - - - -
منار منسدحه تفكر افكار وايد ضايقتها وتعوذت من ابليس
منار : يارب ماكو شي
( رن التلفون وردت عليه )
علي : مانمتي ليش؟
منار : مادري سبحت وانسدحت بس ماياني نوم
علي : منار انا مابيج تتذكرين أي شي يكدر خاطرج اوعديني ما تتذكرين شي واي شي يطري عليج طنشيه و جنه ماكان
منار : ان شاءالله
علي : اعتبره وعد ؟
منار : اي
علي : متى يصير باجر
منار : ليش اشعندك باجر
علي : ماعندي شي بس بنتغدى مع بعض
منار : ( اسكتت )
علي : اشفيج سكتي
منار : مافيني شي بس احس دخت
علي : عيل اخليج تنامين نوم العوافي ان شاءالله واحلام سعيده يارب
منار : تسلم وانت بعد
علي : باي ( سكر الخط )
علي : ( بقلبه ) أول مره بسرعه احس اني متعلق ببنت .. احس ودي اكون معاها بكل وقت .. ودي الحين اروح لها
علي : ( يتنهد ) يااارب تتسهل الامور
- - - - - - - - - -
( علي قام الظهر صلى ولبس ونزل يتغدى مع امه واخوانه )
ام علي : اي جذي يمه تغدى معانا مثل قبل
عمر : ( استانس واايد وقعد يصفق ) : علييي حبيييبيي
علي : تعال عمور ( شال عمر وقعده على ريله وقعد يوكله )
علي : يمه متى يرجع ابوي مو جنه طول بره ماصار شغل كل هذا
ام علي : اي والله طول وايد بس كل يوم يكلمني يقول الشركة اهناك شكلها بتفلس فمايقدر يرجع قبل لا يعدل الاوضاع على قولته
علي : الله يسهل ..
( كمل يوكل عمور واهو ماكله الا شوي وسولف شوي معاهم وطلع )
- وياب أكل وتغدى مع منار بعدين اطلعو السينما -

- - - - -
مر تقريبا شهر تقريبا ً أو اقل بشوي وعلي كل يوم يروح حق منار ويطلعها وكل يوم وده يقولها باللي يحسه بس مو قادر يخاف يضايقها وخصوصا ً انها مؤخرا ً قامت وايد تسرح ومرات يشوفها تبجي بروحها فكلش ماقدر يصارحها
علي ياب تلفزيون حق الصالة وحط بالغرفة كبت حق ملابسها وماخله عليها قاصر
( منار وعلي كانو قاعدين بالشقه يشوفون دي في دي بس اغلب الوقت علي عينه على منار مو على الفلم )
علي : ( بقلبه ) متى تحس باللي بقلبي وتفهم
منار : علي اشفيك اتطالعني تره الفلم بالتلفزيون مو بويهي
علي : يعني انتي الحين مندمجة بالفلم؟؟
منار : اي
علي : انا ماندمجت ماشدني كلش
منار : ( وقفت الفلم ) عيل خل اعيدلك اللي صار على السريع شفت هذا ..
علي : ( يقطاعها ) مابي اعرف قصته بسولف معاج
منار : عن شنو ؟
علي : عني انا
منار : اشفيك ؟
علي : أحب
منار ( ارتبكت وخافت يكون يقصدها ) : اتحب منو ؟
علي : أحبج انتي

** البارت التاسع **

منار : اشفيك ؟
علي : أحب
منار ( ارتبكت وخافت يكون يقصدها ) : اتحب منو ؟
علي : أحبج انتي
منار : ( حست بدوخه ودها ان اللي اسمعته غلط ) علي تتكلم جد
علي : اي والله احبج منار احب كل شي فيج
منار : ( ساكته ) وتفرك ايدها واتطالعها
علي : منار .. شوفي انا ما اطلب منج تبادليني هالشعور ومابغيت اقولج بس احس كل يوم احبج اكثر وماقدر اتم ساكت اكثر من جذي .. بس اذا انتي ماتحسين بهالشي عادي ان شاءالله مع الايام بتحسين وراح ..
منار : ( لفت عليه و قاطعته ) خلاص علي لاتكمل انت تدري ان ظروفي اهي اللي خلتني قاعدة اهني لأن محد وقف معاي وساعدني الا انت وانا ما انكر هالشي بس اني اقعد عندك اهني وبينا علاقة هذا الشي انا ما ارضى فيه ولا ابيه يصير
علي : ( مسك ايدها ) منار انا ما أفكر باللي تفكرين فيه منار انا ..... انا ابي اتزوجج
منار : ( انصدمت وحتى ما اسحبت ايدها بس تمت اتطالع علي وعيونها غورقت )
علي : ليش تبجين منار الله يخليج قوليلي انتي ماتبين تعيشين حياة أحسن من هذي .. منار والله احبج وابيج ولا راح أأذيج وان تزوجنا بكون زوجج وامج وابوج واخوانج ولا راح تحتاجين حق احد ان شاءالله
منار : علي انت ماتحبني انا كاسرة خاطرك وتبي تساعدني بهالطريقة
علي : لا والله انا حبيتج عشان جذي ابي اتزوجج
منار : ( اسحبت ايدها من ايده واهي تصرخ ) علي انت شقاعد تقول انت تدري ان ماعندي اهل ولا اقدر اتزوج
علي : انتي مالج شغل بكل هذا خلي الحل علي انا
منار : ( سكرت اذنها ) خلاااص اسكت اسكت مابي اسمع هالكلمة مابي حلول الحل اللي جربته قبل كافي ( بجت حيل وغطت ويهها بيدها )
علي : منار اهدي والله ماقصدت ازعلج .. منار خلاص عاد والله ماتحمل اشوف دموعج
منار : ( تطالعه وويهها كله دموع ) علي انسى الموضوع ولا تطريه مرة ثانيه
علي : ( قلبه محترق من رفضها ) زين لو فرضنا ان سالفة اهلج ماراح تخرب الموضوع .. انتي رافضه اني اكون زوج لج؟؟
منار : ( قامت واهي تبجي وتعلي صوتها ) ايي رافضة ومابي اتزوج من أي احد .. وانا ما استاهلك ( واركضت دشت الغرفه واقفلت الباب )
علي : ( انصدم من ردها تم قاعد مكانه ماتحرك )
( علي تم بمكانه مدة بعدين قرر ينام عالقنفة لأن مايبي يخليها واهي بهالحالة )
منار منسدحة وقاعدة تبجي
منار : حتى لو ابيك ما اقدر ( وتمت تبجي حيل لين نامت )
- -
علي دق على امه عشان يطمنها ان بخير وماراح يرد البيت لأن بيسهر بالشاليه عند ربعه .. وتم يفكر باللي صار مدة ونام
الساعه 9 الصبح منار قامت .. اطلعت من الداروراحت الحمام – عزكم الله – غسلت وخلصت واهي رايحة المطبخ بتشرب ماي جان تشوف علي نايم عالقنفه وكانت صغيره عليه وارقبته ملتوية وريله جافس وحدة والثانية منزلها عالأرض ومو متلحف جان تروح اتييب غطاها من الغرفه وراحت لحفته فيه
علي ( بطل عينه حس فيها لأن النومة مو مريحته يوم شافها تلحفه ابتسم وقعد ) : مشكورة .. ها اشلونج الحين ؟؟
منار : الحمدلله .. ليش نايم اهني
علي : لأن حالتج امس ماعجبتني .. وكنت افكر باللي قلتيه بس مافهمته
منار : أحسلك ..
علي : منار بدخل الحمام وبطلع ابيج بموضوع
منار : اذا موضوع امس الله يخليك لاتعيده
علي : ( قام رايح الحمام ) شوي وراد لحظة
( غسل وخلص وطلع قعد يمها عالقنفه )
علي : تبين تتريقين بره؟
منار : لا ( قامت ) بس الحين أسويلنا بيض وجبن
علي : لا قعدي .. ابي اقولج شي
منار : ( اقعدت ) قول
علي : ابي عنوان ابوج
منار : ( تطالعه واهي خايفه ) علي .. الله يخليك خلاص .. مابي يعرف عني أي شي والله لو عرف مكاني يطرشهم علي ويذبحوني
علي : ( مسك ايدها وضغط عليها ) منار اهدي .. انا كلش ماراح اسوي شي يضرج .. بس بروح اكلمه ومابي منه الا موافقه وانا اعرف اشلون اخليه يوافق
منار : ( اسكتت مدة موعارفه شتقول ) علي انا مابي ..
علي : ( حط ايده على حلجها ) اششششش مابي اسمع شي انا اذا تزوجتج ماراح اخذ منج شي طول ما انتي مو راضيه لين تشوفين نفسج تحبيني لو هالكثر ( يسوي بأصابعه حجم حبة العيش ) ساعتها لا تبخلين علي وقوليلي .. ( ابتسم لها ) منار انا والله شاريج لاترديني وعطيني عنوان ابوج
منار : ( دمعت عينها ) آسفه علي بس ماقدر
علي : ( حس ان قلبه مقموت حيل ) أدري ان مر شهرين على فراقكم واهي مده قصيرة ماتنسيج بس انا قادر انسيج اياه ..
منار : ( تمسح دموعها ويطيحون غيرهم ) لا اصلا من يوم تخلى عني واهو طلع من قلبي والحين احس اني كارهته بس هم ماقدر اوافق
علي : ليش منار ماني فاهم
منار : خلاص لاتضغط علي أكثر
علي : ( مسح دموعها وقرب منها وباس يبهتها ) متى ما وافقتي عطيني عنوان ابوج وخلي الباجي علي .. يللا انا ماشي مع السلامه
منار : ( ساكته )
طلع علي وخلاها قاعده تفكر بالكلام اللي قاله

انا حطيت لج كذا بارت ان شاء الله يعجبج :p

مشكورة حبيبتي وما قصرتي
وناطرة تكلمة القصة Very Happy

** البارت العاشر **

علي : ( مسح دموعها وقرب منها وباس يبهتها ) متى ما وافقتي عطيني عنوان ابوج وخلي الباجي علي .. يللا انا ماشي مع السلامه
منار : ( ساكته )
طلع علي وخلاها قاعده تفكر بالكلام اللي قاله
- - - - - - -
- في بيت علي –
ابو علي ( جاسم ) رجع من السفر وكان قاعد بالصالة مع ام علي والباجي نايمين
اول مادش علي البيت شاف ابوه قاعد بالصاله جان يروحله
علي : الحمدلله عالسلامه يبه ( باس راسه )
ابو علي : ( معصب ) نايم بره البيت؟؟
علي : كنت سهران بالشاليه
ابو علي : ريال اشطولك اشعرضك اخليك مسؤول عن البيت بغيابي وتسهر بره واتخليهم بروحهم متى تصير قد المسؤولية ها؟؟
ام علي : يا جاسم تره والله من رحت وهذي اول مره ينام بره البيت
علي : يبه عثمان موجود يعني انا ماخليت البيت من غير ريال
ابو علي : لا حول الله .. انا اكلمك عنك انت متى تصير قد المسؤولية ؟ اتييبلي طاري عثمان ؟؟
علي : يبه اشفيك الموضوع واحد .. انت قلت ليش مخلي البيت وسهران بره وانا قلتلك ماخليته من غير ريال .. عثمان موجود
ابو علي : زين خلاص .. ( يكلم ام علي ) اليوم بيزورنه اخوي وعياله خلي الطباخ يسوي عشى محترم .. وانت ( يلتفت على علي ) اليوم تقعد معانا ماتطلع
علي : ان شاءالله .. الحين انا صاعد غرفتي برتاح شوي .. تامروني بشي
ابو علي و ام علي : لا مانبي شي سلامتك
علي : الله يسلمكم ( وقام صعد غرفته )
انسدح ودق على منار
علي : ها شقاعده تسوين
منار : ولا شي بس منسدحه يمكن انام شوي
علي : زين نامي ارتاحي انا بعد بنام شوي وبييلج عالثلاث العصر
منار : علي لا تتعب نفسك والله عادي آكل أي شي
علي : يعني ماودج اييلج؟؟
منار : ( اسكتت شوي ) .. لا ماقصدت جذي
علي : عموما ابوي رد من السفر واليوم بيينه عمي واعياله ف عال7 لازم اكون بالبيت يعني ماراح اطول عندج
منار : الحمدلله على سلامته
علي : الله يسلمج يللا نوم العوافي ديري بالج على نفسج
منار : الله يعافيك.. مع السلامه
اليوم الثاني علي راح حق منار وتغدى معاها بس هالمرة كانت غير عن كل مرة ماسولفت معاه نفس قبل واهو حس انها تغيرت بسبة اعتارفه لها وان طلبها للزواج .. سكت ماقال لها أي شي عن الموضوع وبعد المغرب استأذن وراح بيت اهله ..
- - - - -
وصل العم ( بو سالم ) مع اعياله سالم ( 13 ) والباجي بنات : سارة (24) , غلا (21) وندى كبر عالية عمرها (17)
اقعدو كلهم بالصالة العودة و ندى وعالية قاعدين بروحهم بالزاوية ويسولفون , وسارة ماكانت تشيل عينها عن علي .. وهو مو ماعطيها ويه .
سارة ( تكلم غلا بصوت واطي ) : علي وايد نفسية مادري اشفيه ودي اقوم اقعد يمه واسولف بس اهو مايعطي ويه يفشل
غلا : اي والله مو جنه ولد عمنا ماينشاف الا بالسنه احسنه
سارة : اووو ..( قامت ) بقوم اسولف معاه ادعيلي
غلا : ( تظحك ) موفقة
قامت سارة واقعدت يم علي
سارة : علي اشلونك
علي : تمام انتي اشلونج
سارة : الحمدلله بخير
علي : ( سكت وقاعد يسمع سوالف ابوه وعمه )
سارة : علي انت تشتغل بشركة ابوي وعمي مو؟
علي : اي بس ما اداوم وايد
سارة : اي دام معاشك يمشي و في غيرك يدير الشغل اشلك بالاذية والدوام من صباح الله خير
علي : ( مارد عليها )
سارة : علي اشفيك؟؟ ليش كله تسكت شكلك متضايق
علي : لا مافيني شي يتراوالج
( شوي وحطو العشى الكل قام يتعشى وتمت سارة تطالع علي ماخلته يتهنى باللقمه عدل )
( وعثمان قاعد يطالع غلا واهي ماتعرف تاكل اذا احد يطالعها فخلت الاكل وتمت تشرب عصير )
( بس ندى وعالية ماخذين راحتهم عالآخر يسولفون ويضحكون )
خلص العشى الكل قام الرياييل اقعدو على صوب يشربون جاي وعلي باله كلش مومعاهم وكل شوي يطالع الوقت وده يكلم منار
مشى الوقت بطيء عليه وماصدق على الله انهم اطلعو من البيت عالساعه 11 وعلى طول دق على منار
- - - - - - -
منار بالشقه حالتها موزينه وبس قاعده تبجي رن التلفون ردت عليه ومابينت ان فيها شي
علي : الو قوه منار ها اشلونج متملله ؟
منار : لا عادي قاعده اشوف فلم
علي : فلم عن شنو؟
منار : مادري توه بده
علي : تبين ايي اشوفه معاج؟
منار : ( ردت بسرعه ) لا
علي : ( حس بضيق ) على راحتج
منار : علي لاتزعل بس انا والله تعبانه ( تغير صوتها جنها بتبجي وحابسه البجية غصب )
علي : اشفيج منار؟؟ عسى ماشر ؟؟
منار : مافيني شي بس احس ودي انام
علي : لا انتي فيج شي .. قولي شفيج
منار : خلاص علي قلت مافيني شي بس دايخه وبنام
علي : اوكي نامي انا بيي اقعد بالصالة صوتج مبين انج تعبانه يمكن تحتاجين شي
منار : علي لا اتيي بنام شنو تستفيد تقعد بروحك ؟
علي : بس خلاص منار انتي نامي وانا ابي ايي بعد شوي نوم العوافي يللا باي ( وسكر الخط عشان لا يسمع اعتراضها )
- - - - -
بالشقه منار منسدحه عالسرير وتبجي حييل وكانت تحس انها وايد تعبانه
وصل علي ودش الشقه ( كان من اسبوع ناسخ على المفتاح )
علي راح المطبخ خذه بيبسي وشبس ليز اصفر وقعد بالصاله مقصر عالتلفزيون ويطالع وياكل
مرت ساعه واهو بالصاله واهي بالغرفه عباله نايمه
جان يسمع صوت بجي عالخفيف عرف ان منار قاعده تبجي بالغرفه
علي : ( يطق باب الغرفه ) منار ؟؟ ليش تبجين ؟؟ بطلي شوي
منار : ( ماترد عليه )
علي : منار بطلي شوي بكلمج
منار : ( ماتقدر تحبس بجيتها واطلعت ) علي انا تعبانه ودني الصيدلية
علي : ( خاف عليها ) اشفيج شنو يعورج ؟؟ امشي اوديج المستشفى
منار : لا ابي اروح الصيدلية
علي : خلاص انتي ارتاحي وانا اييبلج الدوا بس قوليلي شنو فيج بالظبط
منار : ( تمسح دموعها ) لا انا بروح ابي دوا خاص بالبنات
علي : زين انا اقول اوديج الطبيب وتاخذين ابره احسن سمعت انها تريحكم
منار : علي بتوديني ولا لأ؟؟؟ بروح الصيدلية وبس مابي طبيب
علي : بوديج خلاص يللا لبسي
( نطرها بالصاله عبال ما البست وخلصت واطلعت معاه )
اوصلو الصيدلية كانت الساعه 12 وربع بالليل
علي : يللا ( كان بينزل معاها )
منار : لا علي انا بنزل بروحي
علي : بس الوقت متأخر
منار : ميخالف بنزل بروحي
علي : ( مابغى يحرجها ) اوكي بس لاتطولين هاج ( وعطاها 20 دينار )
منار : ( خذتهم واهي منحرجه منه على كل اللي سواه لها والوقفه اللي وقفها معاها ) مشكور
علي : شنو مشكور مابي اسمع هالكلمة منج .. انا ماسويت شي يللا نزلي بسرعه وردي
منار : اوكي ( راحت وردت بعد 5 دقايق )

علي : ها لقيتي الدوا ؟؟
منار : اي هاك باجي فلوسك
علي : خليهم معاج
منار : لا مابي ما احتاجهم ( وحطتهم يمه )
تمت طول الطريج سرحانه واهو يسولف بس ماترد عليه
اوصلو عند العماره ..
منار : خلاص تعال باجر الوقت تأخر انا بصعد انام
علي : لا انا بوصلج فوق اطلع اذا نمتي
( صعد معاها فوق ودشو الشقه ومنار راحت الغرفه على طول وتم علي بروحه بالصالة )
اقعدت منار نص ساعه بالغرفه وماراح علي .. آخر شي قامت دشت الحمام وشافها واهي رايحه وتمت وقت طوييل داخل لين قعد يحاتي وقام يشوفها
علي ( يطق الباب عليها ) : منار؟؟؟؟ منار؟؟ (مايسمع أي رد )
علي : منار؟؟ تسمعيني ؟؟؟ منار بطلي الباب
علي : منار ؟؟؟؟ ( خاف حس ان فيها شي وتخيل انها طايحه مو قادره تقوم ) منار اذا تسمعني وخري عن الباب بكسره
علي : ( يعلي صوته ) منار ؟؟؟؟ تسمعيني؟؟؟ راح اعد لي الثلاث وارفس الباب اذا كنتي وراه حاولي توخرين بعيد
فجأة تبطل الباب واطلعت منار وويها كله دموع بس ماتبجي وخرت عنه وراحت الغرفه .. لحقها علي بيعرف اشفيها
راحت عالسرير انسدحت وغطت نفسها من راسها لي ريولها
علي : ( خاف عليها حيل ) منار ؟؟ اشفيج
علي : منار ردي علي اشفيج؟؟ اوديج الطبيب ؟؟
قعد يمها عالسرير وخر عنها الغطى جان تغطي ويهها بيدها وتبجي حيييل
علي : منار ؟؟؟؟ اشفيج قومي قعدي وكلميني وقفتي قلبي اشصاير لج؟؟
منار : ( تبجي وتصرخ عليه ) خلني برووووحي اطلع بره اذا ماطلعت انت انا راح اطلع الحين
علي : اشفيج منور ؟؟ شنو صار ؟؟ تتصرفين جذي عشان طلبت اتزوجج؟؟ خلاص منور مو لازم انسي بس هدي نفسج ولا تبجين
منار : ( تصرخ اكثر وميته بجي ) علي اسكت خلاااص بسك طيبة انا ما استاهلها خلني بروحي وانا باجر راح امشي من اهني وافكك من مشاكلي
علي : منار انتي اشقاعد تقولين؟؟ ليش اشصاير ؟؟ والله ماراح اطري لج الزواج ولا اقولج مشاعري بس لا ..
منار : علي خلاااص اسكت اسكت ( تبجي بحرقة قلب ) .. تبي تعرف اشفيني؟؟؟ تبي اقولك اشفيني؟؟ ( طلعت شي من مخباتها وقطته يمه )
هذا اللي فيني عرفت الحييين ؟؟
علي طالع اللي قطته ولا يطلع تست حمل شافه و مو مستوعب أو مايبي يستوعب
علي : ( صوته متردد وهادي ) شنو هذا ؟؟
منار : انا حامل شفت اشفيني الحين؟؟ حامل ( ميته بجي )
علي حس الدنيا ظلمت عنده ومايشوف شي وتم قاعد ماقال ولا كلمه بس مصدوم
منار: ( تبجي ) أحمد قالي ان هذا الحل الوحيد اهو قالي بس هذي الطريقة اللي تخليهم يزوجونه .. علي انا ... انا والله ماكان عندي أي حل أدري اني اللي سويته غلط بس انا صدقته ... ( تبجي اكثر ) صدقت قلبي اللي قالي ان احمد مايقص علي ويبيني
علي : ساكت وعاقد حواجبه و ويهه صاير احممر والعروج اللي برقبته شاده وابرزت لي بره
منار : ( تبجي وتناشق ) انا تعبت وكنت ابي اتزوجه وارتاح ( اتكمل الموضوع واهي ميته بجي وقاعده تتذكر )
- - - - -
- قبل حوالي شهرين –
منار : أحمد مابي مابي
أحمد : منورة حبيبتي هذا الحل الوحيد عشان نتزوج .. زين عطيني حل من عندج
منار : ( تبجي ) عادي أحمد انقولهم اني مو بنت انجذب عليهم ويزوجونه
أحمد : منورة اهي مو لعبه .. اهم بيروحون يقدمون شكوى علي انا واهناك انتي بتقولين اني أذيتج وبيسوون فحص وبيتأكدون وبعدين يزوجونه ... منورة هذا الحل الوحيد
منار : ( تبجي حيل ) أحمد الله يخليك ماابي ماقدر
أحمد : خلاص عيل امشي أردج بيتكم .. انا بسافر هاليومين وخلاص كيفج خليج اهني
منار : لا احمد ماتخليني والله اذا رديت بيذبحوني
أحمد : عيل ماكو الا هالطريقة عشان نتزوج واسفرج معاي ونكمل دراستنا بره وتنسين كل شي
منار : أكيد هذا اللي راح يصير ؟؟
احمد : باس ايدها .. اي حبيبتي .. وسألي قلبج وبيقولج اني احبج حب ماحبه أحد من قبل .. ( قرب منها اكثر وقعدها عالسرير )
منار : ( اتدزه وبتقوم ) احمد خلاص مابي
أحمد : ( مسكها ) منورة تقدرين تكونين بروحج عند مرت ابوج وخوانج ؟؟ وعند هالابو اللي مايدري عن بنته؟؟؟
منار : ( تبجي من قلب وتلمه ) لا ماقدر مااقدر .. الله يخليك لا تخليني اخذني معاك
أحمد : ( باس ارقبتها واهو لامها ) لاتخافين ماراح اخليج
<< بعدين >>
منار : ( تبجي مثل الياهل ) احمد يللا امش انروح المخفر الحين الله يخليك
احمد : دشي سبحي وبعدين نمشي
- - - - - - - -
- عند منار وعلي –
منار : ( تناشق وميته بجي ) وبعدين لقاني ناصر .. علي ماكان عندي حل .. كان كل شي مسكر بويهي ادري ان اللي سويته غلط كبير والحين انا دفعت ثمنه .. صدقت واحد طلع نذل وحقير معني كنت عادته احن شخص علي بعد امي
علي : ( صوت نسمه كان قوي وسريع.. وجسمه كان كله يرجف وويها احمر وكل عرج بجسمه كان بارز وحس ان الدنيا تفتر )
منار : ( تبجي بحرقة ) علي انا .. ( حطت ايدها على ايده )
علي : ( ماتحمل يسمع كلمه اكثر و مارد عليها ولا حتى طالعها و قام طلع من الشقه )
- - - - - - - - - - - - - - - - - - - - - - - - - - - - - - - - - -
( علي بالسياره وكان يدور براسه كل كلام منار حس ان مخه بينفجر مو عارف شيسوي حتى الطريج مو قادر يركز عليه ومانتبه ان بغى يدش بالسيارة اللي يمه الا يوم صاحبها طق هرن قوووي خلاه ينتبه جان يعدل السكان بسرعه بس صاحب السيارة بطل الجام وقعد يصارخ , علي بطل دريشته عشان يرد عليه وسمعه يقول ياحمار يا غبي يالأثول .... وغيرها مسبات قويه وايد , علي ين زياده جان يوقف جدام سيارته خلاه يوقف غصب ونزل والريال بعد نزل وقاعد يسب بزيادة )
صاحب السيارة : هي انت مينون داش علي بغيت تذبحني وهم توقفني؟؟
علي بدون مقدمات عطاه بكسين على خشمه جان يطيح عالارض ونزل كمل عليه بكسات وطلع حرة الدنيا كلها فيه
علي : ( يطقه بكسات على ويهه ويصارخ من قمة راسه ) منو المينون هااا منو الحمار والله راح انسيك اسمك الحين يا الحقير عشان اتعرف تتكلم مع الناس عدل مره ثانية
( اهني يو رياييل وقفو سياييرهم على صوب وامسكو علي وخروه عن الريال اللي صارت ملابسه وويه كله دم من خشمة ومن حلجه )
واحد من الرياييل : طول بالك اشفيك راح تذبح الريال
علي : ( دزهم واهو يصارخ ) وخرو عني
واحد منهم : هدي شوي وتعوذ من ابليس
علي : ( يطالع الريال اللي طايح بالارض وشكله اغمى غليه من الطق ) احمد ربك انهم وخروني عنك ولا جان والله ذبحتك ( ركب سيارته ومشى وخلاهم )

** تابع البارت الحادي عشر **

ابو علي : ماراح اتيين معانا عثمان قعد عالية خل تقعد مع امك والحقني السياره
عثمان : ان شاءالله يبه
- - - - -
- بالسياره -
عثمان : يبه اشصار حق علي بالظبط ؟
ابو علي : والله مادري بس دق علي شرطي قال ان مسوي حادث على طريج الوفره
عثمان : ماقالك اشلونه؟
ابو علي : لأ بس قالي اروح مستشفى العدان
عثمان : الله يستر
اوصلو المستشفى وراح ابو علي يسأل عن ولده قالوله يكلم الدكتور المناوب
ابو علي : ( يكلم الدكتور ) دكتور انا ابو علي جاسم . طمني اشلونه
الدكتور : تطمن مافيه الا الخير .. بس سويناله 7 غرز براسه.. وقفصه الصدري صار فيه رضه قوية خلته مايقدر يتنفس بس الحين اهو نايم وحاطين له اكسجين راح يكون بخير تطمن
عثمان : نقدر انشوفه ؟
الدكتور : اي بس لا تطولون
ابو علي وعثمان دشو عند علي والدكتور معاهم لقوه نايم عالسرير وصدره وراسه ملفوفين بضماد وجهاز الاكسجين على ويهه وعينه اليسار حواليها ازرق وفيه جروح متناثره على ويهه وجتفه اليسار لونه كحلي
ابو علي : جتفه يمكن مخلوع شوف لونه ليش مو لافينه
الدكتور : لا جتفه مافي شي بس لأن الطقه يت على القفص الصدري صارت كدمة على صدرة وجتفه اهو راح يتم نايم عالاقل 12 ساعه روحو البيت ارتاحو وتعالو المغرب
عثمان : امي لازم ماتشوفه واهو جذي والله بيصير فيها شي
ابو علي : شنسوي حتى مانقدر نمنعها اتشوفه
ابو علي : ( يكلم الدكتور ) ماكو شرطي اهني اقدر اكلمه بخصوص الحادث؟
الدكتور : اي في واحد ناطرك تفضل معاي ( اطلعو من الغرفة )
( ام علي دقت على عثمان )
ام علي : ها عثمان طمني والله قلبي بيوقف وانتو مادقيتو اشصار بولدي
عثمان : يمه اهدي والله مافيه الا الخير تونا طالعين من عنده
ام علي : عيل خله يكلمني عشان اتطمن
عثمان : اهو نايم حاطين له جهاز تنفس ولا تخافين باجر بيصحى وبتشوفينه
ام علي : شيصبرني لي باجر .. اشوفه الحين ولا ما ارتاح تعال اخذني
عثمان : يمه خلاص ابوي يكلم الشرطي الحين بعدين يتفاهم معاج لازم اسكر الحين
ابو علي : ( يكلم الشرطي ) زين اشلون صار الحادث ؟ دعم سياره ثانيه؟
الشرطي : لا بس كانت سيارته بروحها عالخط وداشه بالشبه بس الحمدلله يت بالحديد لأن حالة السيارة عدم
ابو علي : يعني يمكن يكون احد حده وخلاه يدش بالشبه؟
الشرطي : والله للحين ماندري ناطرينه يصحى بالسلامه ونسأله .. اعذرني بس احنا بجذي حالات انشك ان السايق يمكن كان سكران بس الدكتور قال ان مافي أي اثر شرب وضغطه كان مرتفع .. المهم الحمدلله على سلامته ويقوم لكم بالسلامه ان شاءالله اول مايقوم اتصل علي وتفضل هذي اغراضه اللي كانت بالسيارة
ابو علي : ( خذه الجيس منه ) مشكور
( اطلعو راحو البيت اول مادشو لقو ام علي وعالية ناطرينهم بالصالة ومبين انهم وايد باجيين )
ام علي : ليش خليتوه بروحه الحين يقوم مايلقى احد يمه .. جاسم ودني عنده بقعد يمه لين يصحى
ابو علي : وين تقعدين يا بنت الحلال .. الدكتور طمنا بيكون بخير بس لازم ينام لي المغرب وساعتها نقدر انزوره
ام علي : شيصبرني لي المغرب والله اعصابي اتلفت الله يخليكم ودوني حق ولدي
عالية تمسك امها : يمه خلاص الله يخليج اهدي علي مافيه الا الخير
عثمان : اي يمه والله الدكتور طمنا ان بالليل بيصحى وبتكلمينه بعد
ام علي : ( تبتسم وعينها مليانه دموع ) الله يسمع منك
ابو علي : ( يحط ايده على جتف ام علي ) يللا تعوذي من ابليس وتعالي ( وراحو غرفتهم )
عالية : عثمان ؟؟ علي صج مافي شي خطير؟
عثمان : اي صج الحمدلله مافي الا الخير .. اليوم عندج امتحان شي؟ تبيني اوديج المدرسه؟
عالية : لا خلاص مو لازم اروح.. الساعه 9 الحين وعمور نايم بغرفتي امي ماتقدر اتباريه واهي بهالحاله
عثمان : عيل يللا صعدي نامي ارتاحي انا بعد بنام شوي
( كل واحد صعد غرفته )

** البارت الثاني عشر **
عثمان : عيل يللا صعدي نامي ارتاحي انا بعد بنام شوي
( كل واحد صعد غرفته )
-------------------
منار قامت من النوم عالساعه 3 العصر اطلعت من غرفتها كان ودها تلقى علي مثل عادته قاعد بالصاله ناطرها تقوم بس مالقت أي احد وماكانت متوقعه انها بتلقاه .. تذكرت شكله امس واهو يتنفس بسرعه وبصوت عالي ويبين ان بينفجر من داخل ودها اتدق تتطمن عليه واتشوف اذا هدا او لا بس خايفه وماله ويه تكلمه
اقعدت بالصالة تفكر وعينها اتدمع
منار : ( بقلبها ) ودي اغمض وافتح القى كل هذا ماصار .. القى نفسي ماعرفت احمد والقى ان ابوي ما طلق امي او حتى ماتزوجها وخلاها تترك اهلها .. عشان تتغرب اهني وتموت وتخليني وحيده بروحي..
( كلمة وحيده خلتها لا شعوريا تحط ايدها على بطنها وانسدحت على القنفه واقعدت تبجي )
--------------------
بالمستشفى علي للحين نايم امه وابوه بيدشون داخل عنده
ابو علي : لاتنسين كلام الدكتور خليه نايم لاتقعدينه
ام علي : ان شاءالله
دشو و اول ماشافته اشهقت
ام علي : بعد عمري ولدي شوف حالته اشلون صارت
ابو علي : مريم انا اشقلت ؟؟ لاتقعدينه اذا قام وشافج جذي بيتعب اكثر
ام علي : ( تمسح على ايده وتقرا سورة ياسين )
( تمو قاعدين يمه لي المغرب )
عاليه وعثمان مرو بيت عمهم بو سالم عشان يخلون عمر اهناك ويروحون المستشفى و سارة يت معاهم .. دشو كلهم الغرفه واهو للحين ماقام .. الكل تأثر وعبير بجت .. شوي دش الدكتور عليهم
ابو علي : دكتور زين انك ييت .. انت قلت بينام 12 ساعه وصار اكثر وماقام للحين ليش؟
الدكتور : راح يقوم خلال هالساعتين لأن مفعول الادويه يخف تدريجيا لين يقوم .. ( شال عنه الاكسجين ) .. بس بذكركم قفصه الصدري حاشته كدمة قوي صابت الرئه بس الحمدلله ما مزقتها يعني اهو بيتألم لمجرد التنفس فلو سمحتو لا تخلونه ينفعل أي نوع من الانفعالات .. يعني لا تخلونه يظحك ولا تخلونه يعصب لأن كل ما تحركت عضلات الصدر راح يتألم .. حاولو تخلونه هادي ولا تسألونه وايد اسئلة عن الحادث عشان لا ينفعل.. اهم شي اهو بخير .. واذا صار احسن كلموه باللي تبونه
ابو علي : بس المخفر قالولي ادق عليهم اذا قام
الدكتور : الحين مو الوقت المناسب للحين علي تعبان ويحتاج راحه.. سلامته ان شاءالله يللا انا استأذن
ابو علي : اسمعوني كلكم اللي يبجي جدامه حسابه عندي بعدين مفهوم
( بعد ساعه قام علي فتح عينه لقى الكل حواليه ويتحمدون له بالسلامه )
علي : ( يتكلم بصوت واطي ) انا وين
ابو علي : انت بالمستشفى سويت حادث خطاك السو
ام علي: ( تبوس راس ولدها ) بعد عمري يمه اشلونك اتحس بعوار؟
علي : ( يغمض شوي بعدين فتح عينه ) لا بس احس بتعب
عثمان : عمور يقولك ماتشوف شر
علي : ( يبتسم ) جان يبتوه معاكم
عالية : وين انييبه يترس المستشفى صراخ وبجي
سارة : خفنا عليك الف حمدلله على سلامتك
علي : الله يسلمكم .. عطشاان
ام علي : ( تصبله ماي وتحطله عود و تعطيه ) تفضل يا بعد روحي
علي : ( شرب ماي وشرق وقعد يكح وحس بألم قوووي بصدره وتم يكح وكل ماكح زاد العوار )
ام علي : اسم الله عليك اشفيك
ابو علي : عثمان ناد الدكتور
( علي يكح ويطلع صوت مثل المخنوق اللي يبي هوا مو قادر يحصله )
ام علي بجت على ولدها وعالية وسارة واقفين صوب الباب خايفين
يه الدكتور ومعاه ممرضة شاف علي ويهه احتقن وقاعد يكح بسرعه خلاها تحطله اكسجين كمام و عطوه ابره مسكنة
الدكتور : من شنو اختنق؟
ابو علي : قام عطشان شرب ماي وشرق
علي : ( يطالعهم بس عيونه بدت تغمض بعدين نام )
ام علي : ( حاطه ايدها على قلبها ) اشفيه ولدي
الدكتور : تطمني مافيه الا الخير نام الحين .. عطيته مسكن قوي
ام علي : ( تبجي وتبوس راس علي ) الله يشافيك ويقومك بالسلامه
عثمان : يمه لاتخافين انا بنام عنده
الدكتور : لا مايحتاي اهو حاليا مخدر ويحتاج حق راحه تامه خلوه اليوم نايم ماراح يصحى الا الصبح
( شوي ويه ابو سالم وام سالم ومعاهم غلا و ندى ومشو بسرعه لأن علي نايم وماراح يصحى الا الصبح .. بعدين الكل رجع البيت بس تمت ام علي وعثمان قاعدين عنده وماردو البيت الا متأخر )
-------------------
منار تمت طول هالوقت قاعده وتفكر باللي صارلها وتفكر بعلي و تضايقت لأن ماصار يزورها ..
منار : ( بقلبها ) ادري ان اهو الحين مايبي يشوفني ويبيني اطلع اروح أي مكان .. بس لو طلعت وين اروح ؟؟ وماودي اطلع قبل لا اكلمه عالأقل يقولي أي شي .. لو بيطردني هم راضية بس خل يتكلم معاي آخر مره عالأقل
منار : ميخالف بدق عليه وخل يصرخ خل يقول أي شي
( منار امسكت التلفون ودقت عليه وقلبها يرقع خايفه من ردة فعله اذا سمع صوتها )
( عثمان كان منسدح بينام عشان اول مايطلع الصبح بيروحون حق علي .. شوي ورن تلفون علي كان حاطه يمه عالميز عشان أي احد يدق من ربع علي يقولهم اللي صار )
عثمان : الو ؟
منار : ( ساكته )
عثمان : داقين تبون علي؟؟
منار : ( ماترد لاحظت ان مو صوت علي )
عثمان : ( عرف انها بنت لأن ساكتين ومحد تكلم ) اذا كنتو تبون علي تره سوه حادث امس واهو..
منار : ( قاطعته ) حادث؟؟ واهو الحين اشلونه ؟؟؟
عثمان : منوم بالمستشفى
منار : ( حست انها اهي السبب وحيل خافت عليه ) واشصار فيه اشلونه الحين؟؟
عثمان : راح يكون بخير بس فيه رضوض وراسه فيه خياط اهو الحين نايم
منار : أي مستشفى ؟
عثمان : العدان .. بس تره من الصبح الاهل كلهم اهناك مايمشون بالليل
منار : زين انا ودي اشوفه اشلون؟
عثمان : زين اول منو معاي؟
منار : منار
عثمان : هلا والله انا اخوه عثمان .. خلاص باجر اذا صحى اكلمه واقوله انج سألتي عنه
منار : لا .. لا تقوله اهو ما.... بس لاتقوله انا بروحله فجأة من غير لا يدري عفيه لاتقوله شي
عثمان : ( لاحظ من صوتها انها بتبجي وحس جنها تترجاه ) خلاص ماراح اقوله أي شي واول مايروحون اهلي ادق عليج على هالرقم واقولج عشان اتيين اوكي؟
منار : تسلم ومايشوف شر ان شاءالله
عثمان : مشكورة يللا تصبحين على خير
منار اقعدت تبجي وتلوم نفسها وتلوم احمد وتلوم كل شخص له علاقة بالحالة اللي اوصلت لها
منار : ( واهي تبجي ترفع ايدها وتدعي ) يارب شافي علي وقومه بالسلامه وسهل علي اموري واغفر لي يارب
--------------
صار اليوم الثاني علي قام و ياله المحقق وقعد يسأل علي عن الحادث واشلون صار
علي : ( يتكلم ويحس بألم بس هالمرة مو من عضلات صدره كان يتذكر منار واللي قالته له ) انا كنت مسرع شوي بروح مزرعه بالوفرة وكنت دايخ غفلت شوي عن الطريج وبس ماذكر اللي صارلي بعدين
( كمل المحقق معاه شوي بعدين راح )
عقب الكل كان زاره حتى العم بو سالم واعياله
وعلي كان يسولف معاهم عالخفيف .. وكل ما عمور قال سالفة يظحك علي ويتألم من صدره .. لين عصبت الام وخلت عالية وندى ياخذون عمر ويتمشون بالمستشفى ..
عثمان : يبه ربع علي بره بيدشون يسلمون عليه
ابو علي : يللا عيل احنا نمشي وانخليك معاهم
ام علي : يللا يمه ماتشوف شر باجر من الصبح اكون عندك ومسويتلك الاكل اللي تحبه
الكل سلم عليه ومشى وتم عثمان معاه واقعدو الربع عنده بس تعب من زيارتهم وايد لأن كانو يسولفون ويظحكون واهو حس ان صدره بده يعوره وايد
عثمان : ( لاحظ ان علي متعور ) علي اشفيك اناديلك الدكتور
علي : لا بس شوي تعبت ودي ارتاح
محمد : يللا عيل احنا نمشي وانت نام وخطاك السو ان شاءالله
وسلمو عليه واحد واحد ومشو
علي : يللا انت بعد روح انا دخت وبنام
عثمان : اذا صدرك يعورك خل اناديلك احد يعطيك مسكن؟
علي : لا لا خلني راح انام وماحس بشي
عثمان : ( وده يقوله ان منار دقت بس قال لا خل اخليها مفاجأه له احسن وطلع بره الغرفه دق عليها )
منار : الو؟
عثمان : تقدرين اتيين الحين لأن انا ماشي وتم بروحه وبينام ؟
منار : اكيد .. الحين اطلع
عثمان : اذا وصلتي سألي عن غرفة علي جاسم العلي
منار : اوكي
عثمان : يللا مع السلامه
( منار انزلت تحت وكانت الساعه 9 بالليل لقت مصطفى قاعد عالرسيبشن )
منار : ( متردده ) مصطفى ؟
مصطفى : اهلا انسه منار ... أأمري ؟
منار : علي مسوي حادث و اهو بالمستشفى
مصطفى : ايه؟؟ جرالوه حاجه مش كويسه لاسمح الله؟
منار : ان شاءالله يكون بخير .. انا بروحله الحين بس .... مادري اشلون اطلبك
مصطفى : أأمريني؟؟ ده كولنا فدا الاستاز علي
منار : بروح بتاكسي وماعندي ادفعله فبغيت سلف وعلي يردهم لك اول مايطلع بالسلامه ان شاءالله
مصطفى : ( يطلع من بوكه 5 دنانير ) فضايل الاستاز علي كبيره اوي .. تفضلي .. تحبي اطلبلك تاكسي ولا طلبتي واحد خلاص؟
منار : ( تاخذهم منه واهي متضايقه من الحاله اللي اهي فيها ومتضايقه عشان علي ) تسلم مشكور .. طلبت وكاهو بره ينطرني .. مع السلامه
------------
اوصلت منار المستشفى واسألت عن غرفة علي قالولها ان الزياره خلصت بس ترجتهم يدخلونها ماراح تاخذ الا 10 دقايق وتطلع
علي توه بدى يغفى جان يتبطل الباب ودشت منار اهو مابطل عينه عباله الممرضات لأن اهم كل شوي داشين عليه
منار واقفه عند السرير وشافت شكله جان تقعد عالكرسي يمه وتمسك ايده وتبجي
علي حس ان جسمه كله انتفض واهي ماسكه ايده وتبجي فتح عينه وطالعها ماقال ولا حرف
منار : ( تبجي ) علي ماتشوف شر والله اني آسفه .. آسفه على كل شي سببته لك بدون غصد
( علي بيسحب ايده من ايدها بس اهي ماخلته تمت ماسكه ايده حيل )
منار : علي كلمني قول أي شي الله يخليك قولي انك بخير
علي : ( يبلع ريجه ) منار ..
منار : هلا علي ؟؟؟
علي : هدي ايدي شوي

** البارت الثالث عشر **
علي : هدي ايدي شوي
منار : ( هدت ايده ودموعها على خدها )
علي : ( حط ايده تحت الغطى وغمض عينه ولا جنها موجوده بالغرفه )
منار : علي؟؟ زين قولي أي شي الله يخليك كلمني؟؟ عالأقل طالعني شوي
علي : ( مغمض ومايرد عليها )
منار : ( ايدها ترجف ومدتها غصب وحطتها على جتف علي اللي في كدمة زرقه )
علي : ( حس بيدها على جتفه وكان وده يمسك ايدها بس تم مسكر عينه وماتحرك )
منار : انا بروح وآسفه لأني دخلت حياتك وأذيتك معاي وماتشوف شر
منار : ( حاولت على قد ماتقدر تمسك بجيتها بس ماقدرت وافلتت منها ) مشكورعلى كل شي .. مع السلامه ( راحت لي الباب بتطلع )
علي : ( بصوت واطي حيل ) منار؟
منار : ( لفت عليه و ويهها كله دموع ) ناديتني ؟؟
علي : اي تعالي
منار : ( امسحت دموعها وراحت يمه )
علي : ( حس ان قلبه يعوره حييل بس طلع ايده من تحت الغطى ومدها لها )
منار : ( اول ماشافته مد لها ايده اضحكت وبجت بنفس الوقت وامسكت ايده ) علي انا ..
علي : ( طالعها وضغط على ايدها وغمض عينه وعقد جواجبه )
منار : علي ؟؟ انت بخير؟؟
علي : ( فتح عينه وطالعها ) صدري ..
منار : اناديلك احد ؟
علي : لا خليج شوي
منار : بس شكلك تعبان وايد خل اناديه عشان ..
علي : لا مايحتاي اذا نمت اصير احسن
منار : عيل بروح واخليك تنام.. ومشكور على وقفتك معاي و مشكور لأنك كلمتني حتى لو كانت آخر مره
( دشت الممرضه لقت منار عنده )
منار : ( اسحبت ايدها من علي )
الممرضه : لو سمحتي الزيارة انتهت منزمان لازم تمشين الحين
منار : الحين ماشيه .. علي تعبان عطوه مسكن
علي : منار لاتطلعين من اهناك ... نطريني خل اصير احسن وراح اقعد معاج واكلمج
منار : ( تبتسم ) اوكي .. مشافى ان شاءالله
( راحت منار والممرضه عطت علي حبوب مسكنه وخلته عشان ينام واهو تم يفكر بمنار حس بشعور غريب مو عارف اهو استانس لأن شافها او تضايق اكثر؟ بس اللي يعرفه ان ماكان يبيها تطلع واهي تبجي )
-----------------
اوصلت منار العمارة وحاسبت التاكسي وانزلت
مصطفى : اهلا يا آنسه .. ازاي الاستاز علي ؟؟
منار : الحمدلله تعبان شوي بس راح يصير احسن ان شاءالله
مصطفى : طب الحمدلله .. عايزاني اوصلك لغاية فوء؟؟ اصل الاستاز علي موصيني عليكي اوي
منار : لا مشكور انا اصعد بروحي
اصعدت منار ودشت الشقه اسبحت وصلت ودعت حق نفسها وحق علي ان الله يقومه بالسلامه وبعدها سكرت الليت و انسدحت بفراشها
منار : ( حاطه ايدها على بطنها ) مادري شسوي جان زين اطلع مو حامل ويطلع اختبار الحمل مال الصيدلية غلط .. استغفر الله ربي سامحني و افرجها يارب
-----------------------
الفير قام علي من النوم وقلبه مقموت حلم ان منار بقفص ضيج ومو قارده تطلع منه تعوذ من ابليس ورد نام ..
الصبح ماكان اكو احد مع علي الا امه وعمور وعثمان بس عالية كانت بالمدرسه وابوه بالشركه .. خواله زاروه وراحو واهو صار شوي احسن بس للحين اذا ضحك او كح يحس عضلات صدره وضلوعه تعوره
عثمان : يللا انا اخليكم عندي شغل وراح ارد العصر
علي : لا .. لاتروح بكلمك بموضوع
ام علي : يللا كلمه وخله يروح
علي : ( ابتسم ) لا بعدين
ام علي : عيل ماراح تكلمه لأني قاعده لي العصر اذا نمت بروح
علي : ( يسوي روحه بيقوم من مكانه ) خلاص انا اطلع اكلمه بره
ام علي : ( خافت على ولدها ) لا يمه اشفيك خلك بمكانك انا اروح اشتري حق عمور شي ياكله وارجع .. يللا كلمه ( اطلعت مع عمور )
علي : عثمان تلفوني كان عند منو امس؟
عثمان : عندي انا والبنت اللي يت امس كلمتني وقلتلها انك بالمستشفى
علي : ( سكت )
عثمان : علي منو هذي؟
علي : وحده
عثمان : ادري وحده ماقلت واحد .. بس ماسمعتك تتكلم عن وحده اسمها منار
علي : ليش يعني لازم امشي واتكلم عنها ؟
عثمان : لا بس استغربت لأنها كان مبين انها تبجي يوم قلت لها انك بالمستشفى يعني اشلون تأثرت لهالدرجه وانا ما دريت ان في وحده تحبك الا امس
علي : ( عصب يوم سمعه قال تحبك ) وانت شكو تدري عنها
عثمان : زين هد اعصابك لا يعورك صدرك
علي : انا ناديتك اهني ابي منك خدمه
عثمان : شنو تبي؟
علي : انا عندي شقه ماتدرون عنها
عثمان : ( منصدم يطالع علي ) جد تتكلم؟؟
علي : عثمان والله اني تعبان وصدري بدى يعورني منك مو وقته تسأل وايد .. انت انصدمت لأني قلت اني عندي شقه عيل لو كملت كلامي اشبتسوي؟
عثمان : وفيه اكثر من جذي؟؟ كمل يللا قبل لا امي اتيي وتسمعك يا بو الشقق
علي : ( خز عثمان خزه ) اسمعني ومابي اسمع أي تعليق من تعليقاتك البايخه .. بعطيك عنوان الشقه وروح لها .. تلقى فيها البنت اللي امس كلمتك
عثمان : ( مصدوم اكثر ويطالع علي ) عليوي؟؟؟؟ شمسوي انت؟؟ والله انك طلعت من تحت لي تحت
علي : ( صرخ ) عثمانو اسمعني ( غمض عينه حييل.. حس بعوار بصدره من الصراخ )
عثمان : علي انادي الدكتور؟
علي : لا بس عفيه اسمعني ولا تعلق والله انك بتذبحني قبل لا اكمل الموضوع
عثمان : والله بسكت قول بسرعه امي بتيي الحين
علي : روح الشقه وطق الباب قول انك عثمان واني مطرشك عليها وعطها 100 دينار بعدين انا اسحبهم لك من حسابي و قولها خليهم معاج واذا انا طلعت راح اروح لها و اسألها اذا تحتاج شي اوكي؟؟
عثمان : ( مصدوم ماقال ولا شي بس متنح بويه علي )
( دشت ام علي مع عمور )
ام علي : ها خلصتو السالفه المهمه
علي : اي خلصنا
عثمان : ( للحين ساكت يطالع علي )
ام علي : عثمان اشفيه ويهه قالب انت اشقلت له ؟؟
عثمان : ( لف ويهه على امه ) لا يمه ماكو شي يللا انا ماشي مع السلامه
علي : عثمان؟؟
عثمان : بعد لاتقول ان اكو شي زياده؟؟؟؟
علي : عثمانو .. ( وعطاه خزه واهو معصب ) بدزلك مسج بالعنوان زين
عثمان : اوكي انا ماشي باي
ام علي : اشفيه عثمان؟ وعنوان شنو اللي بتدزه؟
علي : يمه سالفه عن الربع .. ( يطوف السالفة ) ها عمووري الحلو شنو شريت؟؟
عمور : ( يمدله الجيس ) شريت حلاو تبي؟؟
علي : ( يظحك ) لا حبيبي مابي شي بالعافيه

** البارت الرابع عشر **
علي : منار انا بدش بالموضوع من غير أي مقدمات
منار : والله بديت اخاف اشفيك؟
علي : ابي عنوان ابوج
منار : ( انصدمت اتطالعه ) مافهمت
علي : شنو اللي مافهمتيه ؟ منار انا احبج ( مسك ايدها ) والله العظيم احبج وابيج
منار : ( منصدمه ) بس انا .. انت تدري ان انا ... اشلون ؟
علي : ( تضايق حيل و حس ان في شي قاعد على صدره ) ادري ان انتي حامل وادري ان مو من ظهري طالع .. بس دام هالدنيا اظلمتج و دام هالياهل من بطنج والله بيكون ولدي مثل ما اهو ولدج
منار : ( انزلت ادموعها وماقالت ولا شي )
علي : عطيني العنوان وخلي الباجي علي
منار : علي انت ماتدري اشقاعد تقول .. هالشي مايصير .. اشلوون؟؟
علي : ( يمسح دموعها بيده ) مابي اشوف هالدموع خلاص .. وكل شي راح يتصلح وهالياهل ماله ذنب واذا كان مقدر له ينولد بهالدنيا فبيدنا انخلي حياته حلوه بدل لا يعيشها واهو مظلوم
منار : علي انت مو مجبور تستر علي وتاخذني وانا بطلع من اهني واخليك تعيش حياتك مرتاح مثل ماكنت عايشها قبل لا ادخلها واعفسها
علي : ( عصب وصرخ عليها ) منار انتي دشيتيها وخلاص صار اللي صار والحين انا ماقدر اخليج تروحين
منار : ( تبجي ) بلى تقدر وراح اروح اليوم
علي : ( سكت مده عشان لايزفها وتبجي اكثر ) ماراح تروحين مكان .. ( يكلمها بصوت هادي ) منار انتي دشيتي بكل خليه فيني والله انج تطلعيلي حتى بالحلم وبكل وقت وانا صاحي افكر فيج .. و اذا خليتج تروحين بتعذب وانا افكر باللي صايرلج .. خلاص عاد رحميني تره والله تعبت من التفكير وتبعت من كل شي خلينا نرتاح وعطيني العنوان
منار : ( تسمح دموعها ) علي انا مشاكلي وايد ويمكن راح تلحقنا لي بعد الزواج ويمكن تخسر اهلك بسبتي .. لا ماقدر والله ماقدر اسوي فيك جذي
علي : ( مسك ايدها وباس راحة ايدها من داخل ) انا راضي فيج وبمشاكلج
منار : ( قطت نفسها على علي ولمته واقعدت تبجي حييل )
علي : ( اول شي انصدم بس بعدين ابتسم و حوطها بيده ) خلاص لاتبجين ماراح يصير الا الخير
منار : ( وهي لامته وتبجي ) علي ليش انت طيب معاي لهالدرجه
علي : ( يهمس باذنها ) لأني احبج واحب كل شي فيج
منار : ( وخرت عنه وابتسمت وامسحت دموعها ) وانا بعد أ..
علي : ( حط ايده على حلجها ) اششششش .. لاتكملين مابيج تقولين شي انتي مو حاسه فيه .. انا ادري اني قدرت اكسب معزتج وادري اني صرت غالي عندج بس الحب لا تطرينه الا اذا حسيتيه .. وابيج توعديني ان ماتقولين هالكلمة الا لي اطلعت من قلبج مو من السانج وبس
منار : اوعدك
علي : ( ابتسم لها ) يللا العنوان
منار : علي لاتروح وانت تعبان انطر جم اسبوع لين يروح كل اثر بجسمك
علي : ( تضايق وطالع بطنها ) لا ماقدر انطر اكثر
منار : ( اسكتت افهمت ان يقصد اللي ببطنها وان صارله شهرين وكل ما طول اكثر بتصعب عليه السالفه خصوصا مع اهله )
منار : انا ما اعرف العنوان بس ادل البيت و... واخاف اروح اهناك
علي : قعدي ورا ماتبينين انروح اهناك بس اتدليني البيت ونرجع
منار : بس انا مابيك تروح اهناك ماتدري شنو ممكن يسوون
علي : وليش انا مينون اروح بيتهم و اقولهم بنتكم عندي؟؟
منار : عيل شنو بتسوي؟
علي : خلي هالسالفه علي .. بس لاتخافين مايصير الا كل خير
( تم علي قاعد معاها ويسولفون لي الساعه 12 طلب غدا وكلو وخلاها تاخذ الأدويه ورد البيت )
قعد مع العايله بالصاله اهم يتغدون واهو عالقنفه يلعب مع عمور منزمان مولاعب معاه
ام علي : عمور ماما لاتطق علي مريض مسكين بعدين يبجي
عمر : انا قوي ( ويطق علي )
علي : يمه خليه يلعب معاي والله منزمان مالعبنا صح عمور؟
عمر : اطقك طق
علي : ( يظحك ) اي انا اكسرك تكسر
عمر : ( نطح علي نطحه قويه على صدره )
علي : اخ ... خلاص انت الفايز يللا روح
ام علي : ( تصرخ ) عمور؟ وخر عن اخوك خلاص
علي : يمه لاتزفينه ياهل
ابو علي : ( ياكل واذنه معاهم ) انت اشكبرك غيرك عنده 4 يلعبهم وانت قاعد تلعب مع اخوك
علي : قريب بتزوج ان شاءالله
ام علي : ( مو مصدقه ) صج ؟؟ والله فرحتني لو اعرف ايبب جان يبتت
عثمان : ايي عليوي والله انك مو هين اخوي طلع بلوه
علي : ( فهم غصد عثمان ) اقول كمل غداك واكرمنا بسكوتك
ابو علي : خلاص بنخطبك ساره اشرايك؟
علي : لا يبه انا اختارها بنفسي
ابو علي : واشفيها بنت عمك ساره من شنو تشكي يعني؟
علي : يبه ماتشكي من شي بس مابيها
عالية : تزوج ندى عشان انصير انا واهي بنفس البيت وناسه
علي : شبي فيها اربيها يعني؟
عالية : اللي يسمعك يقول عمرك 50 عادي بينكم 10 سنين مو وايد حيل
عثمان : يبه انا ابي غلا
ام علي : والله انك انت البلوه حاط عينك عالبنت وماتقولي عشان نحجزها لك؟
علي : اي والله يمه زوجيه لأن ان ماتزوج ينحرف
عثمان : والله اني سيده ولا عندي شقق ولا شي
ام علي : اشهالكلام عيب استح على ويهك
علي : ( يخز عثمان بس ساكت ماقال شي )
ابو علي : يستاهل عثمان ازوجك غلا متى ماتبي انت بس قرر
عثمان : ( مستانس ) اي بتزوجها اول مانتخرج بس ودي تخطبها رسمي
ابو علي : ان شاءالله ومايصير خاطرك الا طيب
عالية : غلا اصغر منه بسنه وحده .. اخطبله ندى احسن
عثمان : اتزوج ندى عشان تقعد اليوم كله عندج وتخليني؟؟ خوش زواج والله
علي : ( يطالع عثمان ويقول بقلبه ) جان زين سالفتي سهالات مثلك
( رن تلفون علي وكان رفيجه صلاح )
علي : الو هلا صلوح
صلاح : هلا فيك .. ها اشلون صرت؟
علي : تمام الحمدلله
صلاح : ودنا انيي نلعب اورقه عندك
علي : لا انا اللي ودي اييلكم تعبت من البيت
صلاح : يعني امرك اخذك؟
علي : لا أجرت سياره وانا بمركم
صلاح : خلاص صار تعال 4 دوانية محمد كلنا اهناك
علي : اوكي بس ييب السي دي معاك
صلاح : أي سي دي؟
علي : تره انا ما انسى
صلاح : ( ظحك ) خلاص اييبلك بداله 10 سيديات بمناسبة طلعتك بالسلامه بس تعال
علي : اوكي 4 اكون عندكم ( سكر الخط )
ام علي : علي يللا قولي متى اخطبلك يعني؟
علي : قريب ان شاءالله
-----------
صارت الساعه 3 ونص علي طلع من البيت رايح حق ربعه ودق بالطريج على منار
علي : الو ها مو نايمه؟
منار : لا قاعده احاول انام
علي : لاتفكرين وايد وراح تنامين
منار : علي .. متى راح تروح لهم؟
علي : اليوم بالليل راح اتدليني المكان وباجر الصبح اروح لهم
منار : بس انا خايفه عليك
علي : لاتخافين ان شاءالله خير انتي بس ادعيلنا
منار : ان شاءالله
علي : يللا الحين نوم العوافي يالغالية .. انا بروح عند الربع
منار : اوكي ... مع السلامه
علي : مع السلامه
( علي وصل عند الدوانية وسفط السياره ونزل )
علي : السلام عليكم
الشباب : ( قامو يسلمون عليه ) وعليكم السلااااام الحمدلله عالسلامه
علي : الله يسلمكم
محمد : انا ماني قاعد بشوف السياره اللي أجرتها ( طلع بره شوي ورد )
الانفينيتي لك؟
علي : اي
محمد : ايي هذي الناس تدعم بالاكس فايف وتأجر انفينيتي عقب جم يوم تشتري بنتلي
علي : والله محد بيفقرني الا انت يخي انت ليش كل سوالفك عن الفلوس
محمد : اشفيك اتغشمر معاك افا عليك بس
( اقعدو كلهم العبو جنجفه جم قيم وطلع علي عشان يروح حق منار وياخذها تدليه البيت )
------
وصل حق منار ودق عليها عشان تنزل .. بعد دقيقتين انزلت واصعدت معاه السياره
منار : علي والله انا خايفه حيل ماودي ادش المنطقه بكبرها
علي : خلاص سمي بالله وقوليلي يللا الوجهه أي منطقه؟؟
منار : كيفان
علي : اوكي يللا بسم الله ( حرك السياره ومشى )
( قربو يم كيفان ومنار خافت ازياده .. علي مد ايده عالكشن اللي وره وعطاها جريده )
علي : هاج شريتها عشان تفتحينها جنج تقرين ومحد راح يشوفج
منار : ( خذت الجريده وبطلتها و ادفنت راسها فيها حتى السيارات اللي على يمينها مايشوفون غير الجريده )
علي : ( يظحك ويحاول يلطف الجو ) زين جذي الناس تقرا جريده الله يهداج لافتها عليج جنج هديه مغلفه
منار : ( ماوخرت الجريده ) علي اسكت عني والله خايفه
علي : زين بالله اشلون بتدليني وانتي لافه نفسج فيها .. اسويلج فتحات حق عيونج؟
منار : ( تظحك واهي خايفه نزلتها شوي بس طلعت عيونها )
علي : ( يظحك ) والله شكلج نكته
منار : خلاص علي لاتظحك امانه والله بموت من الخوف ( صعدت الجريده على ويهها بسرعه ) هذي .. هذي اللفه فوق تحت يسار
علي : ( لف ) والحين وين ؟
منار : ( نزلتها شوي ) الحين يمين
علي : زين؟؟
منار : ( صعدت الجريده لي السقف عشان مايبين منها شي ) البيت العود على يسارك لونه بني بأبيض
علي : عندهم بره طراد؟؟
منار: اي .. عفيه يللا امش
علي : اوكي ( ورجع فوق تحت وطلع عالخط السريع ) يللا نزليها خلاص
منار : ( نزلت الجريده وقلبها يرقع من الخوف )
علي : لاتخافين منور طلعنا من اهناك ( مد لها ايده )
منار : ( حطت ايدها بيده جان يضغط عليها وتم طول الطريج ماسك ايدها )
علي : يللا نزلي ارتاحي ولاتنسين تاخذين ادويتج انا بروح انام هذي قعدتي من الصبح ( يبتسم لها ) وباجر عندي مشوار مهم
منار : علي امانه دير بالك على نفسك والله لو صارلك بعد شي بسبتي صدقني راح..
علي : خلااص منار ماراح يصير شي يللا نزلي
منار : اوكي
( نزلها علي ورد البيت )

** البارت الخامس عشر **
منار : علي امانه دير بالك على نفسك والله لو صارلك بعد شي بسبتي صدقني راح..
علي : خلااص منار ماراح يصير شي يللا نزلي
منار : اوكي
( نزلها علي ورد البيت )
---------
علي راح البيت وقعد يم امه واهي تصلي ونطرها لين خلصت الصلاة
ام علي : ها يمه اشفيك تعبان ؟؟
علي : لا يمه الحمدلله مافيني شي بس ودي تدعيلي
ام علي : شنو تبي ادعيلك ؟
علي : ان الله يسهل علي موضوع باجر
ام علي : ( ترفع ايدها وتدعي ) يالله يارب يا كريم يا حليم يا منان يا رحيم أسألك اللهم بأسمائك الحسنى التي علمتها والتي لا اعلم ان تسهل درب ابني علي وتوفقه وتيسر له اموره كما يحب وترضاه اللهم امين
ام علي : ( تطالع علي ) الله يوفقك يمه ويحفظك
علي : ( باس راس امه ) الله لايحرمني منج
ام علي : ليش احس انك متكدر وايد هالأيام .. يمه قولي اللي يقلبك خل اساعدك
علي : يمه ابيج بس توقفين معاي حتى لو الكل كان واقف ضدي عفيه يمه
ام علي : زين اول شالسالفه؟؟
علي : راح تعرفينها قريب انا الحين صاعد انام
ام علي : الله معاك ونوم العوافي ربي يوفقك بكل خطوه ان شاءالله
( علي دش غرفته تسبح وطلع انسدح ويفكر اشلون راح يكلم ابوها باجر توه بدى يغفي جان يرن تلفونه )
علي : ( صوته تعباان ) الو؟
منار : علي نايم؟
علي : هلا منار فيج شي؟
منار : لا .. بس ماقدر انام
علي : ( يغمض عينه وده ينام ) لاتفكرين بشي وراح تنامين
منار : علي لاتروح لهم الله يخليك
علي : منار خلاص هالسالفه منتهين منها وباجر الصبح انا رايح
منار : علي الله يخليك اترجاك لاتروح
علي : منور نامي وباجر بيعدي على خير لاتخافين
منار : بس انت ماتعرفهم كثري صدقني و
علي : ( للحين مغمض عينه وحاط التلفون على اذنه ) أحبج
منار : ( اسكتت ماعرفت شتقول من الفشله )
علي : منور.. والله احبج
منار : انت شكلك نايم وماتدري شنو قاعده اقولك .. تصبح على خير باي
علي : ( يظحك ) عرفت اسكتج ها؟ يللا انتي بعد نامي نوم العوافي
(ابتسم و سكر التلفون وبسرعه نام من التعب )
اليوم الثاني الصبح علي قام مبجر عالساعه 6 صلى ولبس دشداشه وغتره وطلع قبل لايقومون اهله ..
وصل عند بيتهم وتم واقف شوي بعيد و ناطر بسيارته مل من النطره جان ياخذ الجريده اللي امس منار غطت نفسها فيها
علي : ( ابتسم تذكر شكلها واهي متغطيه بالجريده ) يارب سهل الموضوع
( بعد ساعه تقريبا طلع من البيت شاب وركب سيارته نوع بي ام )
علي : ( نطره لين راح ) اتوقع هذا فهد مبين ان مو الكبير
( بعد نص ساعه طلع ريال كبير لابس دشداشه وشكله رايح الشغل .. علي شغل سيارته ولحقه لين وصل عند شركة خاصه ونطره ينزل ونزل وراه لين عرف أي مكتب دش )
علي : ( يسأل موظف من الموظفين ) الاستاذ سلطان اللي توه دش اهو المدير؟
الموظف : اي نعم السيد سلطان اهو مدير الشركه
علي : اوكي مشكور.. ( راح لي المكتب طق الباب ودش ) بسم الله
لقى السكرتيره قاعده بالمكتب الداخلي الصغير
السكرتيره : هلا اخوي آمر ؟
علي : مايامر عليج عدو .. بس بغيت اكلم الاستاذ سلطان ضروري
السكرتيره : بس عفوا لازم يكون عندك موعد مسبق
علي : ادري بس انا ماقدر انطر .. لو سمحتي تكلمينه وتقولين في واحد بيكلمك بموضوع يهمك شخصيا
السكرتيره : بس يا اخ مايصير اهني في نظام لازم ..
علي : انتي قوليله اشراح تخسرين
السكرتيره : اوكي ( تكلمه بالجهاز اللي عندها ) استاذ لو سمحت في شخص يطلب يقابلك بموضوع يهمك شخصيا
ابو ناصر : اذا ماعنده موعد مشيه
علي : ( خاف شوي لأن مهما كان هذا ابوها وكانت نبرته عصبيه ) قوليله يخصك ومايتأجل
السكرتيره : استاذ بو ناصر .. يقول الموضوع يخصك ومايتأجل
ابو ناصر : خليه يدش
السكرتيره : تفضل ( خذته لي الباب وخلته وردت مكتبها )
علي : ( بقلبه ) بسم الله الرحمن الرحيم اللهم لا سهل الا ماجعلته سهلا
( دش علي المكتب ووقف بويه بو ناصر )
( بو ناصر كانت ملامحه مبينه ان ريال عصبي وماتمر على خشمه ذبانه – يعني نفسيه - )
بو ناصر : استريح
علي : ( قعد ) انا يايك بموضوع شخصي وماله شغل بالشركه
ابو ناصر : موضوع شنو؟؟
علي : موضوع بنتك منار
ابو ناصر : ( انصدم وبطل عينه وعقد حواجبه قعد يخز علي )
علي : قبل لا تقول أي شي خلني اقولك موضوعي
ابو ناصر : انت الحقير اللي انحاشت معاه ؟؟
علي : لا وماتشرف اكون ذاك الحقير
ابو ناصر : عيل انت منو؟؟
علي : انا لقيت منار بالشارع بروحها وماعندها أي احد وكانت حالتها صعبه .. ( يبلع ريجه حس ان نشف من خزات ابو منار )
علي : ماقدرت اخليها بروحها قلت لازم اساعدها وخذيتها حطيتها عندنا في بيت اهلي .. يعني قعدتها عند امي و اختي
ابو ناصر : ( ويهه مبين فيه كل ملامح العصبيه ) ليش مايبتها لي؟
علي : انا يايك بطلب .. انت ماتبيها واهي مثل ما انت عارف ماتبي تقعد عندكم .. واهلي ارتاحو لها وايد .. فقررت اخذها على سنة الله ورسوله
ابو ناصر : لا .. بس ردها لنا او انا ايي الحين معاك واخذها من بيتكم .. وتنتهي خدماتك ومشكور
علي : استاذ بو ناصر .. فكر شوي بالموضوع تره هذا الحل الانسب لكم ومنها تسكتون كلام الناس وبس اتصير مره متزوجه ولا احد له شغل فيها وتطلع من ذمتكم لي ذمتي
ابو ناصر : ( يسكت شوي ) .. انت من ولده؟
علي : انا ولد العلي .. اسمي علي جاسم العلي .. وعندنا خير الحمدلله شركتين اهني ووحده بلبنان وجم ارض.. يعني انا ما ابي منكم أي شي غير توقيع يريحك من منار ومن مشاكلها
ابو ناصر : ( ساكت يفكر ) لازم اول استشير اخوانها بالموضوع
علي : ليش؟ انت ابوها وانت صاحب الراي الأول والأخير .. والمهر اللي تامر فيه انا حاضر
ابو ناصر : ممممم ( سكت فتره ) انا مبدئيا موافق عطني 9 الآف واخذها .. بس رجعها الحين وانطر يومين لين يرجع اخوها من السفر ابيه يكون موجود وعقب تعال اخطب
علي : ( يقرب يم المكتب اكثر ) 12 الف وانخلص كل شي اليوم اشرايك؟
ابو ناصر : ( يحك حنجه واهو يفكر )
( علي بهالوقت يحس ان حييل مرتبك وخايف من ردة فعل بو ناصر بس كان مسوي روحه ان مو هامه )
ابو ناصر : موافق
علي : ( طبعا ماصدق اللي سمعه كان وده يظحك من الصدمه بس مسك اعصابه وتكلم بهدوء ) خلاص انا رايح اييب الملاج اهني عندك بالمكتب وراح تكون الفلوس معاي بس ناقص بطاقتها وجنسيتها ييبوها من البيت
ابو ناصر : ماشي توكل على الله
علي : ( قام ) مع السلامه

** البارت السادس عشر **
علي : ( قام ) مع السلامه
علي : ( التفت على ابو ناصر ) الساعه 12 بكون عندك يعني بعد 4 ساعات ان شاءالله .. ( طلع من المكتب )
و ابو ناصر تم يفكر بكلامه ..
ابو ناصر : ( بقلبه ) صارلي 21 سنه ما ادري عنها ويوم يتلي يابتلي من وراها المشاكل .. شنو استفيد اذا رجعتها البيت غير المشاكل وعوار الراس .. ويذبحها واحد من اعيالي وافقده بالسجن من وره راسها .. خلاص هذا انسب حل اعطيها الريال وافتك من مشاكلها كلها .. وبالعكس اكسب من وراها جم الف .. والريال معاه خيير يعني ماراح يحطون عينهم على حلالي .. حلالي حق ناصر وفهد وبس
( يبتسم بو ناصر ويدق على ام ناصر )
بو ناصر : الو .. ام ناصر سمعيني عدل .. ابيج اتطلعين اوراق منار الرسميه ..البطاقه والميلادية والجنسيه والجواز وانا بطرش سايق من الشركه ياخذهم
ام ناصر : (بنفسيه ) ليش ؟؟ اشصار ؟؟؟ شنو بعد خاشه عني؟؟
ابو ناصر : انتي زهبي اللي طلبته وانا اذا رديت البيت اقولج كل شي .. مع السلامه ( سكر الخط )
ام ناصر كانت اتطلع الاوراق جان يدش عليها فهد
فهد : ( شاف الاوراق واستغرب ) يمه شالسالفه؟؟ ليش طلعتيهم؟ انتو لقيتوها؟؟؟
ام ناصر : وابوك من متى يتنازل و يقولنا شي بس دق علي وقال زهبي اوراق منار الرسميه ضروري وماقال أي شي ثاني
فهد : شالموضوع؟؟ اقول يمه عطيني الاوراق انا اوديهم بنفسي حق ابوي وافهم السالفه كلها
ام ناصر : ودق علي اول ماتعرفها
( فهد خذا الاوراق وطلع وام ناصر دقت على ابو ناصر قالتله ان فهد بيوصلهم بنفسه )
---------------
علي بالسياره مو مصدق نفسه و موسايعته الفرحه بس اللي مكدر خاطره اشلون يقول حق اهله واهو ماوده يتزوج وبعدين يصدمهم
علي : ( بقلبه ) ودي اقول حق منار اللي صار بس لا بخليها نايمه واشوف اللي بيصير معاي .. خل اروح الحين حق امي ماقدر اخش عنها
( علي وصل وسمه بالرحمن ودش البيت )
ام علي : ها يمه انت اشسالفتك طلعت وماندري عنك من متى طالع؟
علي : الساعه 6 طلعت
ام علي : ( اتطالع علي ومستغربه ) علي اشعندك كاشخ مو عادتك تلبس دشداشه ( ثوب ) وغتره الا بالشي المهم والرسمي او بالمناسبات
علي : ( يقعد يمها ويبوس راسها ) يمه طلبتج تسمعيني وماتنفعلين
ام علي : اشفيك علي لاتخرعني اشصاير؟
علي : يمه انا مو قلتلج بتزوج؟؟
ام علي : اي؟؟؟
علي : ( سكت مده واهو يطالع الارض بعدين طالعها ) يمه انا بملج اليوم الظهر
ام علي : ( منصدمه واتطالع ولدها ) علي ؟؟ من صجك؟؟
علي : اي والله يمه
ام علي : ( للحين منصدمه وتتكلم بانفعال ) انا صارلي اشكثر احن عليك عشان اخطبلك .. وقلتلك انت اختارها على هواك وانا اخطبها بنفسي .. اتقولي الحين انت الظهر بتملج؟؟ اشلون يعني؟؟ والخطبه ؟؟ واهلها ؟؟ انت من صجك ولا قاعد تتغشمر و بترفع ضغطي ؟؟
علي : يمه الله يخليج افهميني وهدي نفسج
ام علي : شفهم؟؟ شنو تبي افهم ؟؟ ولدي العود اللي برفع راسي فيه بيتزوج بهالطريقه ؟؟ ليييش؟ اشصاير ؟؟
علي : يمه هالبنت انا احبها وابيها وضروري اليوم الظهر اكون عند ابوها واملج عليها .. وانا اخليج تسوين لنا احلى عرس وتنادين كل اللي يعزون عليج يمه الله يخليج حاولي تفهميني وتوقفين معاي
ام علي : ( معصبه ) زين يمه انا ماقلت شي اتحبها وتبيها وبتملج عليها ماكو مشكله بس المفروض والطبيعي ان انا اللي اروح اخطبها لك وان ابوك يروح ويخطبها من ابوها مو بهالطريقه يصير الزواج
علي : يمه اهي ماعندها اهل الا ابو ومايعرف عنها أي شي .. يمه ابوها قاطها عند امها ويوم توفت خذاها و ماتحمل وجودها و يبي يتخلص منها بأي طريقه
علي : ( يبوس ايد امه ) يمه هالبنت ماعندها اهل الحين ومحد يبيها .. وانا احبها الله يخليج يمه ابي رضاج علي
ام علي : ولو .. في اصول ابوك يروح يخطب عالأقل .. او اني اروح واخطب من يدتها أو عمتها او خالتها أو أي شي
علي : يمه لو السالفه جذي سهله جان والله خليتج تخطبينها منزمان بس مو سهله .. يمه اوقفي معاي .. اذا انتي الحين مو راضيه علي .. عيل شنو بتوقع من ابوي؟
ام علي : ( ساكته ماترد عليه )
علي : ( باس راسها وقام ) يمه مابي غير رضاج علي .. انا اليوم الظهر بملج وماحبيت املج وانتي ماتدرين .. والحين رايح حق ابوي اقوله
ام علي : لا ياعمري لاتسويها وغير رايك واحنا نخطبها لك من اهلها بشكل رسمي .. اذا اصريت على رايك ابوك ماراح يخليك اتدش هالبيت
علي : آسف يمه .. بس والله ماعندي حل الا اني املج اليوم .. مع السلامه
( طلع علي من البيت وام علي اقعدت تبجي )
بالسياره علي يفكر ان غلط بحق اهله وماعطاهم خبر الا بنفس اليوم وضاق خلقه على امه اللي كانت تحن عليه عشان يتزوج والحين صدمها بهالخبر ..
علي : ( بقلبه ) ااخ يايمه والله ابيج تفرحين .. بس ماكو حل الا هذا
( وصل شركة ابوه ونزل راح حق مكتب ابوه )
السكرتيره : اهلا استاذ علي .. الاستاذ جاسم عنده اجتماع الحين
علي : ( يقطع المكتب رايح راد ) ميخالف بنطره لين يخلص
السكرتيره : زين استريح شنو تبي تشرب؟
علي : ولا شي ( وتم يتحرك ماقعد وكل شوي يطالع ساعته )
علي : ( قعد ) يعني وايد مطول؟؟
السكرتيره : لا شوي ويخلص ان شاءالله
علي : ( يحرك ريله عالسريع ويبين ان مرتبك .. شوي جان يطلعون الموظفين من المكتب ودش علي )
ابو علي : اهلااا علي .. اييي هذا ولدي يلبس غتره ودشداشه ويباشر الشغل
علي : يبه انا يايك بموضوع خاص
ابو علي : نتكلم بالبيت انا الحين مشغول
علي : لا يبه ماقدر لازم اقولك الحين ماعندي وقت
ابو علي : زين اقعد ليش واقف .. يللا عندك ربع ساعه لأن وراي شغل لي الراس
علي : ( قعد ومو عارف اشلون يبدي فتم ساكت )
ابو علي : انت ياي تسكت؟؟ يللا خلصني اشعندك؟؟
علي : يبه .. انا بسوي شي اليوم وابي رضاك ومابي شي اكثر
ابو علي : شالموضوع ؟؟
علي : ادري ان كان لازم اعطيكم خبر من البداية بس اللي..
ابو علي : خلصني تكلم من غير مقدمات .. اشسويت؟؟
علي : يبه انا الظهر بملج على وحده احبها وابيها
ابو علي : ( يطالع ولده واهو معصب ومنصدم ) واحنا اشقلنا غير جذي؟ مو قلتلك بنخطب لك ولازم تتزوج ؟ يعني اشلون تخطبها بنفسك واليوم بتملج عليها واهلك مو موجودين معاك؟؟
علي : يبه الموضوع فيه ضروف خاصه مو نفس أي زواج .. وعشان جذي صار الموضوع سريع واليوم اروح حق ابوها ونملج
ابو علي : ( سكت شوي ) ... انت غلطت معاها واهلها درو؟؟
علي : ( منقهر من السؤال ووده يصرخ من قمة راسه ويقول ان ماقرب لها كلش بس سكت عشان لايزيد الطين بله )
ابو علي : ( يعلي صوته بعصبيه ) رد علي انت غلطت معاها صح؟؟
علي : اي يبه .. واليوم لازم املج عليها
ابو علي : ( تم يطالع علي بنظره خايسه ) اذلف اطلع من اهني .. مو انا اللي ازوج ولدي الكبير بهالطريقه .. انا اذا بزوجك اختار لك اشرف البنات واحسنهم ومو تتزوج بهالطريقه حالك حال زواج المخفر.. كان عبالي اني عرفت اربيك .. روح تزوجها وداري غلطتك .. وبالمره شيل اغراضك من بيتي مابي اشوفك لي رجعت
علي : ( وقف وقرب يبي يبوس راس ابوه بس دزه وماخلاه يبوسه جان يطلع من المكتب )
علي بالسياره حس ان مختنق لا امه ولا ابوه راضين عليه واشلون يرضون واهو تزوج بهالطريقه .. ومع كل اللي سمعه منهم في كلمة وحده قاعده اتدور براسه مو قادر يشيلها من باله .. اهي كلمة قالها ابوه ( روح داري غلطتك )
علي : ( طق السكان بيده حيييل ) انا حبيتها بس ماغلطت معاها ولا جستها .. والله لو امسكك يا احمد انتفك بيدي
( رد علي بيتهم وصعد غرفته وحط الاشياء اللي يحتاجها بهاند باق واهو طالع شاف امه بويهه )
ام علي : ( شافت الجنطه بيده جان تنزل دموعها )
علي : ( مسح دموعها وباس راسها ) يمه لاتبجين الله يخليج بس انا لازم اسوي جذي
ام علي : ليش يمه؟؟ ليش؟؟ حبيبي لاتتسرع وانا والله بخطبها لك بعدين
علي : يمه ماقدر .. بس ابيج تسامحيني
ام علي : ابوك طردك صح؟
علي : اي .. يمه انا لازم اروح وصدقيني لو الظروف غير هالظروف والله جان محد خطبها لي الا انتي
علي : انا رايح بوسيلي عمور وسلميلي على عالية وعثمان ( لم امه عالسريع وباس راسها وراح )
( مر على البنك ودش خذا الفلوس من حسابه وراح ياب الملاج والحين رايحين بالطريج حق ابو ناصر )
بهالوقت كانت الساعه 11 ونص منار قامت ودقت على علي عشان تتطمن وتعرف اشصار ..
علي : الو
منار : الحمدلله انك بخير .. اشصار معاك ؟؟
علي : لاتحاتين انا اذا رجعت اقولج .. الحين رايح بيتنا انتي تغدي طلبيلج شي لاتنطريني
منار : لا ماقدر ناطرتك بعرف كل اللي صار معاك .. لاتطول عفيه
علي : اوكي مع السلامه
----------
- بمكتب بوناصر –
فهد : ( معصب ) وليش ترضى؟؟ انا اذا شفته بذبحه وانت تعطيه البنت جذي!!!
ابو ناصر : ( يصارخ ) لاتعلي صوتك علي .. البنت بنتي وانا اللي اقرر شنو اللي لازم يصير .. لا انت ولا اخوك لكم كلمة بعد كلمتي
فهد : بس يايبه اهي انحاشت معاه ..
ابو ناصر : مو هذا اللي انحاشت معاه هذا واحد لقاها وساعدها
فهد : وانت صدقته؟؟ زين لو فرضنا ان كلامه صح هم مايصير يايبه هالبنت وطت راسنا بالارض لازم نذبحها مو نخليها تروح بكل سهوله
ابو ناصر : وشنو نستفيد من ذبحها غير المشاكل .. خل نزوجها ونفتك من مشاكلها .. والريال عنده خير يعني ماراح ايي يوم ويخليها اتطالب بشي ولا راح يطولون 100 فلس من حلالي
فهد : بس يايبه
ابو ناصر : اسكت خلاص مابي اسمع كلمة زياده
( بهالوقت السكرتيره كلمته بالجهاز : سيد بو ناصر الاستاذ علي موجود بره )
ابو ناصر : خليه يدش ..
ابو ناصر : ( يطالع فهد ) خلني انا اتكلم وانت لاتقول ولا حرف ولا تره ماتلوم الا نفسك
فهد : ( ساكت ويغلي من داخل )

** تابع / البارت السادس عشر **

ابو ناصر : ( يطالع فهد ) خلني انا اتكلم وانت لاتقول ولا حرف ولا تره ماتلوم الا نفسك
فهد : ( ساكت ويغلي من داخل )
دش علي ومعاه الملاج وبيده جنطه صغيره حاط فيها الفلوس
فهد ( واقف ويخز علي خز وده يهجم عليه ويذبحه )
ابو ناصر : تفضلو
علي والملاج اقعدو وفهد تم واقف يم ابوه ويخز علي
علي : ( لاحظ ان فهد يخزه بس مارفع ويهه عليه )
علي : هذا المهر كامل تفضل
ابو ناصر : ( بطل الجنطه وشاف ال 12 الف مصففين يم بعض وسكر الجنطه ) على بركة الله
الملاج : وين الشهود ؟
ابو ناصر : ( طالع ولده بس فهد كان عاقد حواجبه وويهه محتقن يبين ان ماله خلق شي فماطلبه يكون شاهد )
ابو ناصر : لحظه شوي ( كلم السكرتيره ) فاطمه ناديلي استاذ علي واستاذ جابر بسرعه
السكرتيره : حاضر
الملاج : وشنو راي البنت ان شاءالله موافقه
ابو ناصر : ( طالع علي ) لا تحاتي موافقه
علي : ( ساكت مو مرتاح من نظرات فهد )
( دشو الشهود وخلاهم يقعدون وقالهم ليش يايبهم )
الملاج خذا بطاقة وجنسية علي ومنار وسجل بياناتهم وكمل شغله
وعلي وابو ناصر والشهود وقعو
الملاج : ( خذا نسخه من الورقه وعطاها علي ) مبروكين ان شاءالله كمل تصديقها بالمحكمة
علي : الله يبارك فيك
ابو ناصر : ( يمد ايده يسلم على علي ) مبروك بس استريح بكلمك شوي
الملاج : عيل انا انطرك بره عن اذنكم
( طلع الملاج والشهود ) وتم علي وابو ناصر وفهد بالمكتب
ابو ناصر : الحين انت تزوجت منار .. بس مابي اسمع عنها أي شي بعد اليوم .. اهي اطلعت من ذمتي ولا ابي اشوف اعيالها بالمستقبل .. ومالها شي عندي .. كل شي واضح؟؟
علي : اي نعم
فهد : ( ماقدر يسكت اكثر ويه عند علي و زره – مسكه من دشداشته صوب الزراير - ) يا حقير
ابو ناصر : ( يصرخ على ولده ) فهد هده
علي : ( دز ايد فهد ) نزل ايدك لا اكسرها لك
فهد : والله بتندم عالساعه اللي عرفت منار فيها .. وقولها انها للحين ماعرفت اخوانها عدل
علي : اللي تتكلم عنها اهي مرتي .. وما اسمح لأي احد ان يهددها واذا شفتك مقرب صوبنا والله بخليك تتعفن بالسجن فاهم ؟؟ ( خلاهم وطلع )
ابو ناصر : ( معصب ) انا اشقلتلك؟؟ ليش تدخلت ؟؟ خلاص انا زوجتها ومالنا شغل فيها الحين
فهد : والله بندمهم وبيرجع ناصر وبيعرف اللي صار وهم اهو ماراح يسكت عن هالموضوع ويخليه يمر بهالسهوله
-----------------
علي طول الطريج ساكت و وصل الملاج وكمل طريجه رايح الشقه عند منار
علي : ( بقلبه ) منار الحين مرتي حسافه اني ماعرفتها بظروف احلى بس ان شاءالله ماراح اخليها تحس بالنقص وبنعيش حياة حلوه انسيها فيها كل مشاكلها
( رن تلفون علي )
علي : الو هلا منور
منار : ها وينك قولي اشصار معاك والله اني احاتيك ودقيت اكثر من مره ومارديت علي اشصاير؟
علي : كاني وصلت الحين انزل واقولج
علي : ( بقلبه ) والله راح تنصدم كل شي صار اليوم منو يصدق؟ انا نفسي منصدم
علي نزل ودش الشقه وكانت منار ناطرته بالصاله
منار : ( اول مره اتشوفه واهو لابس دشداشه وغتره كان شكله وايد حلو ) ها اشصار؟؟
علي : ( قرب يمها ومسك ايدها وقعدها يمه عالقنفه ) قعدي خل اقولج اللي صار
علي : ( يرفع ايدها لي شفايفه وباسها ) انا ( هم يبوس ايدها ) صرت ( هم باس ايدها ) زوجج
منار : ( اتطالعه ومومصدقه اللي قاله ) صج؟
علي : ( يبتسم ) اي والله صج وهذي الورقه تثبت ( طلعها من مخباته )
منار : ( خذت الورقه وايدها ترجف شافت توقيع ابوها والشهود وختم الملاج .. ودموعها انزلت )
علي : ( خذا الورقه وردها بمخباته ) ييبيها لا تبللينها ماصدقت على الله خذيتها
منار : ( اتطالع علي وتنزل دموعها ) علي انت ....
علي : ( قربها منه ولمها ) ابجي الحين اخر مره بس بعدين مابي دموع كلش؟ من اليوم اذا شفت دمعتج والله بزعل عليج
منار : ( دافنه راسها بصدره وتبجي واهو لامها وعقب ماهدت وخرت عنه )
علي : يللا قومي لبسي بنروح نتغدى بره واقولج كل اللي صار
منار : ان شاءالله ( قامت تبدل واهو ناطرها بالصاله )

** البارت السابع عشر **
علي : يللا قومي لبسي بنروح نتغدى بره واقولج كل اللي صار
منار : ان شاءالله ( قامت تبدل واهو ناطرها بالصاله )
اطلعت من الغرفه وكانت لابسه التنوره البيضه بالازرق مع البلوزه والصندل اللي شراهم لها كان شكلها وااايد حلو وجسمها مرسوم
علي : ( ابتسم لها وراح يمها باس راسها ) والله احلى عروس .. يللا امشي ننزل
--------
بالسياره منار ماتدري اهي مستانسه ولا متضايقه انها اليوم تزوجت وبهالظروف اللي اهي فيها
علي : ( مد ايده لها عشان تمسكها )
منار : ( ابتسمت وامسكت ايده واهو قاعد يسوق السياره )
علي : منور ؟؟ انتي مستانسه؟
منار : ( ساكته )
علي : منار؟ انتي مو مستانسه صح؟
منار : بلى بس .. لو
علي : ادري ودج بظروف احسن من جذي .. بس البنات مو احسن منج وانتي ماراح تكونين عروس الا اذا سوينه حفله لج وراح تصيرين احلى عروس بعد وبتروحين معاي السوق وبتشترين زهابج وهم بوديج الصالون وبتسوين كل شي تبين ماشي؟؟
منار : ( ابتسمت واهي متضايقه ) اوكي
اوصلو مطعم لينوتر ( مطعم حلو بالكويت ومكانه عالبحر ) . نزل معاها مسك ايدها وقاعدين يمشون بيدشون المطعم ولاحظ انها مرتبكه شوي
علي : منور حبيبتي .. انتي الحين مرتي لاتخافين حتى لو شافوج اخوانج مايقدرون يسوولج شي
منار : ادري
------------
- في بيت ابو علي –
الكل قاعد عالغدى ياكلون ومحد يتكلم .. جان ام علي تبجي ماقدرت تتخيل ان علي كلش ماراح يقعد معاهم على الأكل
ابو علي : خلاص مريم تناقشنا بالموضوع وايد لا تردين تبجين وتفتحينه
عمر : ( قعد يبجي ) ماما لاتبجين ماما خلاص
ام علي : ( تمسح دموعها ) خلاص ماما ماكو شي اكل
عثمان : يبه يعني تزوج وخلاص ليش تكبرون السالفه
ابو علي : ( صرخ ) انت جب .. اللي يسوي سوالف يهال وبعدين ينحد عالزواج هذا مو مال يقعد بهالبيت
---------
( منار وعلي قاعدين ياكلون )
منار : قولي اللي صار معاك كله من رحت لهم البيت لين خليته يوافق ويوقع
علي : ( يبتسم ) عادي رحت نطرته يطلع حق الدوام ولحقته لي الشركه ودشيت قلتله اني لقيتج وحيده بالشارع وماعندج مكان وساعدج وخذيتج بيت اهلي
منار : ( تبتسم )
علي : اي صح مو كنتي قاعده مع امي واختي؟
منار : ( تظحك ) اي بلى
علي : اي بعد هذا اللي قلته .. اهو اول شي عصب بس بعدين اقنعته وخليته يوقع
منار : بس اشلون اقتنع
علي : قلتله ان انتي ماتبين تردين وانا ابيج على سنة الله ورسوله وبس اقتنع ويبت الملاج وخلصت الموضوع
منار : ( اسكتت شوي ) علي ممكن اشوف الورقه مره ثانيه
علي : ليش؟
منار : بشوف شي
علي : ( درى انها بتشوف المهر ومابغاها اتحس ان ابوها باعها ب 12 الف ) خلاص الحين خلينا ناكل ولا يهمج هالموضوع انسيه احنا اعيال اليوم
منار : زين اهلك اشقالو؟
علي : انصدمو لأني ملجت بروحي وازعلو بس ميخالف كل شي بيتصلح
منار : ( تضايقت حيل ونزلت راسها )
علي : منور حبيبتي؟؟ لا تتضايقين من شي .. وبعد اليوم كل شي بيصير غير .. يللا عاد ضحكي
منور : ( ابتسمت وماقالت شي )
خلصو غداهم وخذاها سوق شرق وكل محل يدش ويختار معاها وكل شوي حاط الملابس على جسمه ويخليها تظحك
طولو بالسوق وشرت بدل وايد وجواتي وصنادل واكسسوارات ومكياج وكل شوي تقوله ماتبي بس اهو مارضى الا تاخذ غصب واهو بعد شرى ملابس وجواتي حقه ..
منار : علي مافيني شده امشي خلاص والله تعبت وبعدين انا لابسه كعب ماتوقعت بنروح السوق
علي : ( شايل الجياس اشكثرهم ) زين ميخالف شوي ونمشي شوفي مدي ايدج بمخباتي طلعي البوك
منار : ليش؟
علي : الحين طلعيه اول
منار : مدت ايدها بمخبات الدشداشه وطلعت بوكه
علي : اخذي منه الكي نت ( بطاقة البنك ) ورديه بمخباتي
منار : ( سوت اللي قاله لها ) حق شنو هذي ؟
علي : ( يبتسم لها ) انا بقعد اهني وانتي روحي اشتري اشياء خاصه بالعرايس
منار : ( صار ويهها احممممر واتحس بحرااره ) بس ..
علي : يللا عاد منوور روحي انا قاعد اهني اخذي راحتج ماراح اتحرك ناطرج
منار : ( من الاحراج ماقالت بس لفت ويهها وبتروح )
علي : اقول منور؟
منار : هلا ؟
علي : ( يبتسم ) الاسود والاحمر احلى لونين
منار : ( انصفق ويهها ومشت وخلته )
( خلصو من السوق الساعه 8 واركبو السياره )
منار : وايد تعبت احس ريلي ذابحتني
علي : فصخي الصندل
منار : والله ودي
علي : اي صج فصخيه
منار : ( افصخته وتمت حافيه ) جذي وايد اريح
علي : الحين بنروح سوق الذهب
منار : علي خلاااص والله تعبت حرام عليك
علي : شوي بس ننزل تاخذين الشبكه ونمشي.. مايصير عروس ماعندها شبكه ومو لابسه خاتم
منار : ( اسكتت )
( اوصلو سوق الذهب ونزل معاها واختارو شبكه ناعمه فيها الماس وذهب ابيض )
- بالسياره –
منار : علي انت وايد دفعت اليوم
علي : منور انتي مرتي واللي عندي كله لج
منار : الحين مو ابوك زعلان منك؟ لازم ماتصرف وايد صح ؟
علي : لا ماله شغل لأن انا مساهم وحاط اسهم بالشركه و تطلع لنا ايرادات وتتوزع .. وهم باخذ اوراقي وشهاداتي واروح شركات نفس نظام شركاتنا واشتغل ان شاءالله بيوظفوني بمنصب حلو
منار : ان شاءالله
علي : باجر الصبح اروح اصدق العقد بالمحكمة وبالمره اقطج الصالون تسوين كل اللي تبينه اوكي؟
منار : اوكي
علي وقف عند مطعم خذالهم سنويجات وعصير عشان يتعشون مره وحده
( اوصلو الشقه عالساعه 10 و منار كانت حييل تعبانه )
علي : تبين تنامين ترتاحين شكلج وايد تعبانه ؟
منار : اول بسبح احس جسمي كله يعورني من المشي
علي : اوكي دشي سبحي انا بدخل الأغراض بالغرفه
منار دشت تسبح وعلي حط جيس الاكل بالصاله وخذا جياس الملابس وداهم الغرفه وبدل ملابسه لبس شورت وبلوزه وراح الصاله انسدح يطالع تلفزيون
( منار خلصت سباحه ولفت عليها فوطه وطلعت راسها من باب الحمام )
منار : علي؟؟
علي : هلا اشفيج؟
منار : انت بالصاله؟
علي : اي
منار : زين خلك اهناك انا بمر اروح الغرفه
علي : ( يظحك ويعلي صوته عشان تسمعه ) زين يبه روحي والله ماشوف .. وبعدين انا ريلج تره عادي ..
منار اطلعت من الحمام وراحت ركض عالغرفه واقفلت الباب وتنشفت والبست بجاما من بجايمها ( بنطرون وبلوزه ) واطلعت الصاله
علي : ( قام قعد ) تعالي قعدي يمي
منار : ( اقعدت يمه واهي ساكته )
( علي قعد يطالعها بنظره غريبه جان ترتبك وابعدت عنه شوي )
علي : منار انا قلت ماراح اقرب منج الا اذا انتي وافقتي يعني متى ما حسيتي انج مرتاحه حق هالشي راح اكون ناطرج وماراح اضغط عليج
منار : ( تبتسم ) مشكور
علي : لاتقولين هالكلمة وايد تحسسني جني غريب
منار : ( تظحك ) خلاص مو مشكور
( كلو العشى وخلصو ومنار حيل تعبانه ودها تنام وعلي لاحظ هالشي عليها )
علي : روحي نامي يللا باجر وراج صالون وعفسه من الصبح
منار : اوكي تصبح على خير ( قامت بتروح )
علي : نوم العوافي حبيبتي
منار : ( ابتسمت ) الله يعافيك
( منار دشت الغرفه عشان تنام وعلي سكر ليت الصاله و فصخ بلوزته وانسدح عالقنفه وتم يفكر فيها وده يروحلها بس بيعطيها فرصه لين تحس انها مستعده نفسيا )

** البارت الثامن عشر **

الساعه 3 الفير منار قامت من النوم وسيده ركض عالحمام عشان ترجّع تمت بالحمام اترجع واتكح .. علي كان نايم عالقنفه وكلش مو مرتاح فسمعها و فز من نومته وكان لابس الشورت بس
( قام علي بسرعه وطق باب الحمام و فتحه لقى منار قاعده عالأرض جدام المرحاض – عزكم الله - ومبين انها حيل تعبانه )
علي : ( عقد يمها ومسكها ) اشفيج منور ؟ تبين اوديج الطبيب؟
منار : ( تتكلم بصوت واطي ) لا مابي اروح مكان
علي : ( قام بلل ايده بالمغسله ومسح ويهها ) قومي معاي اوديج الغرفه ترتاحين
( شالها وحطها عالسرير ولحفها وانسدح يمها بس ماتغطى )
علي : ( يمسح على خدها بيده ) حبيبتي تبين اييبلج شي ؟
منار : ( تعبانه و منحرجه لأن منسدح يمها ) لا تسلم مابي شي
علي : يعني راح تنامين؟
منار : اي
علي : ( باس يبهتها ) اقدر انام اهني؟
منار : ( اسكتت )
علي : تره القنفه اكسرت ارقبتي .. بس لو مو مرتاحه عادي ارجع الصاله
منار : ( ماردت عليه )
علي : ( قام ) خلاص نامي عدل واي شي تحتاجينه قوليلي
منار : علي ... انا آسفه
علي : ( يبتسم ) تصبحين على خير ( طلع من الغرفه ورد حق القنفه )
( أول ماطلع منار اقعدت تفكر وتبجي لأنها مو قادره ترضيه وهم مو قادره تنسى اللي صار معاها بسبة أحمد )
الصبح الساعه 7 منار قامت غسلت وراحت الصاله لقت علي نايم على بطنه و ويهه مدفون بالمخده وريله نازله من القنفه وحايشه الارض والثانيه جافسها والغطى بس من خصره وتحت وظهره كله مبين
منار : ( راحت اتقعده عشان يكمل نومته داخل ) علي ؟؟ علي؟
علي : ( نايم وماحس فيها )
منار : ( هزته ) علي .. قوم نام داخل
علي : ( فتح عينه ولف يطالعها ) هلا منور .. جم الساعه الحين؟
منار : الساعه 7 وخمس
علي : ليش قاعده مبجر؟؟ تعبانه؟
منار : لا بس خلاص شبعت نوم .. انت قوم نام عالسرير داخل
علي : اي والله ودي انام شوي .. أكيد انتي ماتبين تنامين ؟
منار : اي اكيد .. يللا قوم ارتاح داخل
علي : اوكي قعديني الساعه 9 عشان اروح المحكمة ( قام ودش الغرفه وقط نفسه عالسرير ونام )
-------------
- في بيت ابو علي –
ام علي : يا جاسم خلاص سامحه وخل يسكن عندنا مع مرته ماله غيرنا
ابو علي : خلاص قلت مايدش يعني مايدش
ام علي : بس هالمره سامحه الله يخليك
( عمر كان نايم عندهم وقام من النوم يبجي من صراخهم )
ام علي : ( راحت لمت عمر ) خلاص ماما نام لا تبجي حبيبي
ابو علي : انتي السبب باللي صار .. لو مو تدليعج له ماجان غلط هالغلطه واضطر يتزوجها بهالطريقه .. ونطري جم سنه راح يصيرون عثمان وعمور مثله والسبه انتي
----------------
صارت الساعه 9 الا ربع منار قامت تسوي ريوق وجهزت كل شي وحطته بالصاله .. وراحت اتقعد علي
منار : علي .. علي قوم الساعه 9
علي : شوي بس خليني انام
منار : علي سويت ريوق تعال تريق عشان تروح المحكمه
علي : ( مغمض عيونه وشكله مو ناوي يقوم ) شوي .. شوي
منار : يعني ماتبي تقوم؟
علي : ( مايرد ومغمض نايم )
منار : ( اقعدت يمه عالسرير وهزت جتفه ) علي ؟؟ عليي؟؟ يللا عاد قوم
علي : ( فتح عينه وطالعها ) منور؟
منار : يللا قوم سويت ريوق وجهزت ال..
علي : الله لايحرمني منج
منار : ( استحت ) ولا يحرمني منك .. انا رايحه اسوي حليب غسل صل وتعال
علي : ( ابتسم ) اوكي
( قامت منار اطلعت وجهزت كل شي وانطرته )
علي خلص شغله ودش : الله اشهالريوق
منار : ( تظحك ) تتطنز؟؟
علي : لا والله صج
منار : زين بتروح المحكمة بعد شوي ؟
علي : اي وبوديج الصالون بطريجي
منار : اوكي
( خلصو اكلهم وراحت منار اتبدل واطلعت عقب دش علي و لبس دشداشه وغتره وطلع )
منار : ( تبتسم ) حلوه عليك الدشداشه
علي : ( باس ايدها ) عيونج الحلوه
( انزلو وقف عند بنك وسحب لها 100 )
علي : هاج واذا احتجتي فوقهم بس دقي علي
منار : علي هذيله وايد .. كافي 50
علي : لا انا ابي مرتي تسوي كل شي بخاطرها واذا ماكفت هال100 دقي علي مو تستحين تره انا زوجج مو غريب
--------------
انزلت منار الصالون وسوت شيره كاملة وحمام مغربي و عدلت القصه واستشورت شعرها وسوت بدي كير ومني كير
وعلي راح المحكمة وسوه شغله
-------------
- في بيت بو ناصر –
ناصر رد من السفر وتفاجأ بالخبر اللي نقله له فهد
ناصر : ابوي من صجه ؟؟ ليش مايابها اهني دام لقاها ؟
فهد : ابوك خذا 12 الف من الحقير وعطاه البنت .. والله لو اتطيح بيدي اذبحها
ام ناصر : فهد خلاص انسى سالفتها مابي تصير لكم مشاكل من وراها
ناصر : بس اهي شايله اسمنا ونحشتها من البيت مع ريال غريب وطت راسنا .. ماكان لازم ابوي يسكت بهالسهوله
فهد : انا طلعت بياناته وعرفت ان ساكن مع اهله بمشرف وراح اعرف اشلون اندمه
ام ناصر : لا يمه ماتروح ولا لك شغل فيه خلهم يولون
ناصر : يمه خليه يروح وانا بعد بس خل اصادفتها والله اكسرها اهي معاه
----------
( علي خلص شغله وخذه منار من الصالون )
علي : نعيما حبيبتي يهبل شعرج
منار : الله ينعم عليك
علي : ها كفتج الفلوس؟
منار : اي و زادت بعد ( مدت ايدها بالجنطه تبي اتطلع اللي بقى )
علي : ( حط ايده على ايدها ) لا خليهم معاج
منار : ( ابتسمت )
علي : مبروك كل شي تم على خير
منار : الله يبارك فيك
علي : اشرايج اليوم انروح نحتفل بفندق ؟
منار : لا مابي والله احس تعبانه مالي خلق اروح
علي : اوكي على راحتج خل اوديج الحين نتغدى
( راحو تغدو و تمشو عالبحر شوي بعدين دشو فلم بالسينما واطلعو منه الساعه 6 المغرب وتم يفتر بالسياره )
منار : علي والله تعبت احس راسي يفتر خلنا نرجع
علي : اوكي .. بس متأكده ماتبين تروحين المستشفى ؟؟
منار : اي والله عادي بس شوية دوخه اذا رديت البيت راح ارتاح
علي : ان شاءالله
اوصلو الشقه وانزلو ودشت منار بدلت والبست نفنوف حفر وحطت مكياج حلو وخفيف لونه وردي .. واطلعت الصاله
علي : ( طالعها ووايد عجبه شكلها بالمكياج ) ماشاءالله مرتي اتينن ربي يخليج لي
منار : ( منحرجه ) نلعب جنجفه ( اورقه ) ؟
علي : اوكي شنو تلعبين
منار : هند
علي : ( يظحك ) والله وطلعتي اتعرفين الهند .. منو علمج؟
منار : امي الله يرحمها ( بين انها تضايقت )
علي : الله يرحمها يارب .. ( يطوف السالفه ) يللا خل نلعب
( اقعدو يلعبون مده )
منار : عليي تره انت قاعد اتغش والله شفتك خاش الجيكر تحت ريلك
علي : لا مو صحيح
منار : بلى والله شفتك ( قطت اللعب ) وماني لاعبه
علي : ( يظحك ) خلاص اعترف انا غشاش .. خل نلعب قيم ثاني بس هالمره بشرف
منار : ماني لاعبه معاك خلاص هونت
علي : ( يطالعها وحيل وده يقرب منها بس متردد )
منار : ( حست بشعور غريب واهو يطالعها وصار ويهها احمر )
علي : ( قرب يمها ) منور ؟؟
منار : ( منحرجه وماتدري شتسوي )
علي : منور ادري انج ماحبيتيني بس والله انا احبج واحب كل شي فيج
منار : ( ساكته )
علي : ( قرب منها اكثر و باسها ومادزته جان يتشجع )
علي : امشي الغرفه
منار : لا مابي
علي : ( باس يبهتها ) يللا حياتي قومي
منار : ( حيل مستحيه وتمت ساكته )
علي : ( شالها ويطالعها ويبستم ) عيل انا اشيلج
( منار كانت خايفه وترجف تبيه ينزلها )
منار : علي ؟؟
علي : يا عيون علي ( دش الغرفه وسكر الباب بريله وحطها عالسرير وباس عيونها وخدها )
منار : ( ترجف اكثر وتتذكر اللي صارلها مع احمد )
منار : أحمد خلاص
علي حس جنها عطته طراق وخر عنها وقعد يطالعها مصدوم
منار : علي والله ماقصدت
علي : ( تم يطالعها ويحس نار شبت داخله بس قالها بهدوء ) اسمي علي
( وخلاها وطلع من الغرفه راح الصاله )